កីឡាករថ្លៃជាងគេលើលោក ប្រាប់ Barcelona ថា ចង់ត្រឡប់ទៅវិញ
- 2018-03-10 01:30:43
- ចំនួនមតិ 0 | ចំនួនចែករំលែក 0
កីឡាករថ្លៃជាងគេលើលោក ប្រាប់ Barcelona ថា ចង់ត្រឡប់ទៅវិញ
ចន្លោះមិនឃើញ
តារាបាល់ទាត់ Neymar ដែលទើបតែផ្លាស់ទៅកាន់ក្លឹបបាល់ទាត់បារាំង PSG កាលពីដើមរដូវកាល បានបង្ហើបថា ខ្លួនចង់វិលត្រឡប់ទៅកាន់ក្លឹប Barcelona វិញ មុនពេលដែលក្លឹប PSG ត្រូវបាន Real Madrid ទម្លាក់ចេញពីពានរង្វាន់ UEFA Champions League ត្រឹមវគ្គ១៦ក្រុមចុងក្រោយ កាលពីពេលថ្មីៗនេះ។ នេះបើតាមការចុះផ្សាយរបស់កាសែតអេស្ប៉ាញMundo Deportivo ។
កីឡាករសញ្ជាតិប្រេស៊ីលខាងលើ ហាក់មិនទាន់មានភាពចុះសម្រុងល្អជាមួយសមាជិកក្រុមថ្មីរបស់ខ្លួនឡើយ ក្រោយផ្ទេរពី Barcelona ក្នុងតម្លៃខ្លួន ១៩៨លានផោន ដែលជាតម្លៃខ្លួនកីឡាករថ្លៃបំផុតនាពេលបច្ចុប្បន្ន។
កាសែតអេស្ប៉ាញដដែល បានឲ្យដឹងថា Neymar មិននឹកស្មានថាក្របខ័ណ្ឌ Ligue 1 មានកម្រិតខ្សោយជាង La Liga យ៉ាងនេះឡើយ។ លើសពីនេះ Neymar បានសារភាពថា ជាកំហុសរបស់ខ្លួនដែលព្យាយាមគេចចេញពីស្រមោលរបស់ Lionel Messi ។
សូមជម្រាបថា Neymar កំពុងសម្រាកព្យាបាល ក្រោយទទួលការវះកាត់ប្រអប់ជើង នៅប្រទេសប្រេស៊ីល ដោយសាររបួសប្រេះឆ្អឹងកាលពីខែមុន។ របួសនេះ អាចត្រូវការរយៈពេល ៦សប្ដាហ៍ដើម្បីទទួលការត្រួតពិនិត្យពីក្រុមគ្រូពេទ្យ មុននឹងអាចវិលចូលហ្វឹកហាត់សាជាថ្មី៕