គម្រោងផ្លូវដែក និងផ្លូវទឹកចំនួន២ ត្រូវបានកំណត់ថ្ងៃដាក់ឲ្យដំណើរការហើយ!
- 2018-03-13 06:40:31
- ចំនួនមតិ 0 | ចំនួនចែករំលែក 0
គម្រោងផ្លូវដែក និងផ្លូវទឹកចំនួន២ ត្រូវបានកំណត់ថ្ងៃដាក់ឲ្យដំណើរការហើយ!
ចន្លោះមិនឃើញ
គម្រោងផ្លូវដែក ប៉ោយប៉ែត-ស៊ីសុផុន និងគម្រោងសេវាដឹកជញ្ជូនអ្នកដំណើរតាមផ្លូវទឹក ព្រែកព្នៅ-ក្រុងតាខ្មៅ នឹងចាប់ដំណើរការនៅដើមខែមេសាខាងមុខ មុនពេលពិធីបុណ្យចូលឆ្នាំប្រពៃណីខ្មែរឈានមកដល់។ នេះបើយោងតាមការចុះផ្សាយរបស់ទីភ្នាក់ងារសារព័ត៌មានកម្ពុជា។
លោក ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន បានថ្លែងឲ្យដឹងថា គម្រោងផ្លូវដែក ដែលមានចម្ងាយ៤៩គីឡូម៉ែត្រ នឹងត្រូវបើកដំណើរការនៅថ្ងៃទី០៤ ខែមេសា ឆ្នាំ២០១៨ ឯគម្រោងផ្លូវទឹក នឹងចាប់ផ្ដើមនៅថ្ងៃទី០៦ ខែមេសា ឆ្នាំ២០១៨។ ចំពោះគម្រោងផ្លូវដែកនេះ នឹងបើកឲ្យមហាជនជិះឥតគិតថ្លៃ ចាប់ពីថ្ងៃដំណើរការរហូតដល់ថ្ងៃទី០១ ខែសីហា ឆ្នាំ២០១៨។ ដោយឡែកការដាក់ឲ្យដំណើរការឥតគិតថ្លៃចំពោះគម្រោងផ្លូវទឹក ត្រូវខាងក្រសួងបញ្ជាក់ថា រដ្ឋាភិបាលនឹងពិចារណា ក្រោយពេលបើកសាកល្បងនៅថ្ងៃទី០៦មេសាសិន ដើម្បីដឹងពីការចំណាយជាមុន។
លោករដ្ឋមន្ត្រី បានបញ្ជាក់បន្ថែមថា ក្រោយការដំណើរការផ្លូវដែកប៉ោយប៉ែត-ស៊ីសុផុន ក្រសួងអាចនឹងបន្តគម្រោងពីបាត់ដំបង មកដល់ភ្នំពេញទៀត នាពេលឆាប់ៗខាងមុខ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០១៦
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
