UN ថា សិង្ហបុរីលួចដឹកទំនិញប្រណីត ទៅកូរ៉េខាងជើង
- 2018-03-13 06:49:27
- ចំនួនមតិ 0 | ចំនួនចែករំលែក 0
UN ថា សិង្ហបុរីលួចដឹកទំនិញប្រណីត ទៅកូរ៉េខាងជើង
ចន្លោះមិនឃើញ
របាយការណ៍របស់អង្គការសហប្រជាជាតិ (UN) មួយបានបង្ហាញថា ក្រុមហ៊ុនចំនួន២ របស់ប្រទេសសិង្ហបុរី បានរំលោភបំពានសេចក្ដីសម្រេចរបស់ UN ដោយបានផ្គត់ផ្គត់ទំនិញប្រណីតជាច្រើនទៅកាន់កូរ៉េខាងជើង។ នេះជាការចុះផ្សាយរបស់ BBC នៅថ្ងៃទី១៣ ខែមីនា ឆ្នាំ២០១៨។
ពាក់ព័ន្ធនឹងបញ្ហានេះ រដ្ឋាភិបាលសិង្ហបុរី បានអះអាងថា ខ្លួនបានបើកការស៊ើបអង្កេតលើករណីនេះហើយ។ ក្រុមហ៊ុនទាំងពីរ ដែលត្រូវបានជាប់សង្ស័យក្នុងការដឹកទំនិញប្រណីតទៅកាន់កូរ៉េខាងជើង មានក្រុមហ៊ុន OCN និង T Specialist ដែលមានម្ចាស់តែមួយ។ ក៏ប៉ុន្តែ ក្រុមហ៊ុនទាំងពីរ បានបដិសេធការចោទប្រកាន់នេះ។
ការលក់ទំនិញប្រណីតទៅកូរ៉េខាងជើង ត្រូវបានចាត់ទុកជាអំពើខុសច្បាប់ ក្រោមទណ្ឌកម្មរបស់ UN តាំងពីឆ្នាំ២០០៦។ យោងតាមក្រសួងការបរទេសរបស់សិង្ហបុរី បានអះអាងថា សិង្ហបុរី បានដាក់បម្រាមចំពោះស្ថាប័ននានា មិនឲ្យផ្ដល់ជំនួយជាថវិកា ឬ សេវាកម្មផ្សេងៗ ដើម្បីសម្របសម្រួលពាណិជ្ជកម្មជាមួយកូរ៉េខាងជើងឡើយ។
ការដាក់ទណ្ឌកម្មលើកូរ៉េខាងជើង កំពុងបោះជំហានទៅរកសភាពអាក្រក់ទៅៗ ក្នុងរយៈពេល ២ឆ្នាំចុងក្រោយ ស្របពេលដែលទីក្រុងព្យុងយ៉ាង បន្តធ្វើតេស្តសាកល្បងអាវុធនុយក្លេអ៊ែរ៕