៥ចំណុចនេះ បង្ហាញថា អ្នកកើតជំងឺងប់ងុលនឹងរឿងអាសអាភាស

2018-03-13 08:10:21
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ដោយសារតែភាពរីកចម្រើនខ្លាំងនៃបច្ចេកវិទ្យា មនុស្សអាចឆែកមើលភាពយន្តអាសអាភាសបានគ្រប់ទីកន្លែង និងគ្រប់ពេលវេលា ក្នុងលក្ខណៈងាយស្រួល ហើយឆាប់រហ័ស។ អ្នកខ្លះនិយាយថា ការមើលរឿងក្ដៅសាច់ធ្វើឡើងដើម្បីកំដរអារម្មណ៍តែប៉ុណ្ណោះ។ ប៉ុន្តែអ្នកខ្លះទៀតឧស្សាហ៍មើល រហូតដល់ថ្នាក់កើតជាជំងឺញៀននឹងរឿងសិចដោយមិនដឹងខ្លួន។

ខាងក្រោមនេះជាចំណុចចំនួន៥ បង្ហាញថា អ្នកមានជំងឺមួយនេះ៖

១. អ្នកចាប់ផ្ដើមបង្កើតអត្តចរិតខុសប្លែកពីគេឯង

នៅពេលអ្នកញៀននឹងការមើលរឿង 18+ នោះអ្នកទំនងជាធ្វើឲ្យខ្លួនឯងមានគម្លាតឆ្ងាយពីសង្គម។ អ្នកអាចចាប់ផ្ដើមគេចមុខ ឬឧស្សាហ៍បដិសេធនឹងមិត្តភ័ក្ដិ ឬសាច់ញាតិ ដើម្បីប្រញាប់មកផ្ទះមើលរឿងអាសអាភាសតែម្នាក់ឯង។

២. អ្នកតែងតែភ្លេចភ្លាំងមើលម៉ោង

ពេលដែលអ្នកចំណាយពេលមើលរឿងអាសអាភាស ពេលវេលានឹងដើរលឿនណាស់សម្រាប់អ្នកដោយមិនដឹងខ្លួន។ ពេលវេលាជាច្រើនរបស់អ្នកនឹងត្រូវចំណាយជាមួយនឹងរឿងក្ដៅសាច់។

យោងតាមទិន្នន័យពីវិបសាយអាសអាភាសដ៏ល្បី Pornhub អ្នកចូលមើលជាមធ្យមប្រើពេលប្រមាណជា ៤នាទីប៉ុណ្ណោះ។ ប្រសិនបើអ្នកជាញឹកញយមើលលើសពីនេះ នេះហើយជាសញ្ញានៃការកើតមានជំងឺងប់ងុលនឹងសិច។

៣. អ្នកព្យាយាមបិទបាំងខ្លាំងអំពីការមើលរឿងក្ដៅសាច់របស់ខ្លួន

មនុស្សដែលញៀននឹងរឿងសិច គឺព្យាយាមបិទបាំងខ្លាំងពីអ្នកដទៃ។ គេអាចចាប់ផ្ដើមចាក់សោកុំព្យូទ័រ ផ្លាស់ប្ដូរលេខសម្ងាត់ទូរសព្ទជារឿយៗ ឬក៏តែងលុបកំណត់ហេតុ (History) ក្រោយបើកមើលរឿងអាសអាភាសរួច។

ឯអ្នកខ្លះទៀតតែងអើតឡឺមៗម្នាក់ឯង ដើម្បីធានាថា គ្មាននរណានៅក្នុងផ្ទះ ហើយស្រួលមើលរឿងអាសអាភាស។

៤. ជីវិតសិចរបស់អ្នកត្រូវបានបំផ្លាញ

អ្នកចូលចិត្តមើលរឿងសិចខ្លាំងភាគច្រើនទំនងជាបាត់ចំណាប់អារម្មណ៍រួមភេទជាមួយដៃគូ ព្រោះថាដៃគូរបស់ពួកគេមិនអាចបំពេញតម្រូវការបានដូចទៅអ្វីដែលបានបង្ហាញនៅក្នុងរឿងអាសអាភាស។

ការមើលរឿងអាសអាភាសច្រើនដង អាចធ្វើឲ្យអ្នកសម្រេចកាមស្ទើររាល់ថ្ងៃ ហើយប្រការនេះនឹងធ្វើឲ្យអ្នកគ្មានពេលទៅស្និទ្ធស្នាលនឹងដៃគូជីវិត។ យោងតាមការសិក្សាមួយនៅឆ្នាំ២០១៦ ស្វាមីភរិយាដែលមើលរឿងអាសអាភាសលើសមនុស្សធម្មតា២ដង ទំនងជាមានអត្រាលែងលះច្រើនជាងអ្នកដែលមិនសូវមើល ឬមិនមើល។

៥. អ្នកមិនអាចបញ្ឈប់ខ្លួនពីការមើលរឿងអាសអាភាស

ការមើលរឿងអាសអាភាសនឹងផ្ដល់ជាគុណវិបត្តិច្រើនយ៉ាង ដូចជាផ្នែកហិរញ្ញវត្ថុ និងសុខភាព ជាដើម។ សម្រាប់អ្នកដែលញៀនហើយ ទោះដឹងពីផលអវិជ្ជមាននេះក្ដី ក៏នៅតែមិនអាចឈប់មើលរឿងអាសអាភាសដែរ គឺត្រូវធ្វើណាឲ្យបានមើល ដើម្បីបំពេញតាមចំណង់៕

ប្រភព៖ Face2Face ប្រែសម្រួល៖ ឈាង.