កម្ពុជា បញ្ជាក់ពីចំនួនមន្ត្រីដែលស្នើសុំទិដ្ឋាការ ទៅចូលរួមកិច្ចប្រជុំនៅអូស្ត្រាលី

2018-03-13 09:49:19
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក ជុំ សន្ទរី អ្នកនាំពាក្យក្រសួងការបរទេស បានឲ្យដឹងថា ក្រសួងការបរទេស បានស្នើសុំទិដ្ឋាការពីស្ថានទូតអូស្ត្រាលី សម្រាប់សមាជិកគណៈប្រតិភូជាន់ខ្ពស់កម្ពុជា ចំនួន ៥០នាក់ ដើម្បីចូលរួមកិច្ចប្រជុំកំពូលពិសេសអាស៊ាន-អូស្ត្រាលី ដែលនឹងប្រព្រឹត្តទៅនៅពាក់កណ្ដាលខែមីនា។

ការបញ្ជាក់នេះ ត្រូវធ្វើឡើងបន្ទាប់ពី លេចឮព័ត៌មានថា កម្ពុជាបានស្នើសុំទិដ្ឋាការសម្រាប់មន្ត្រីបច្ចេកទេសចំនួន ២២០នាក់ ដើម្បីទៅចូលរួមកិច្ចប្រជុំនៅអូស្ត្រាលី ប៉ុន្តែត្រូវបានស្ថានទូតអូស្ត្រាលីបដិសេធ ដោយអនុញ្ញាតឲ្យបានតែចំពោះមន្ត្រីដែលមានឋានៈចាប់ពីអនុប្រធាននាយកដ្ឋានឡើងទៅប៉ុណ្ណោះ។

សូមបញ្ជាក់ថា សម្ដេចនាយករដ្ឋមន្ត្រី ហ៊ុន សែន ធ្លាប់បានប្រកាសថា សម្ដេចនឹងធ្វើដំណើរទៅកាន់ប្រទេសអូស្ត្រាលី ដើម្បីចូលរួមកិច្ចប្រជុំអាស៊ាន-អូស្ត្រាលី នៅថ្ងៃទី១៧-១៨ ខែមីនា ខណៈដែលមេដឹកនាំអាស៊ានមួយចំនួន ហាក់រារែកចិត្ត ចូលរួមក្នុងកិច្ចប្រជុំនេះ៕

ប្រភព៖ Vayo Fm ប្រែសម្រួល៖ លាភ.