ទីទួលប្រាសាទបុរាណចំនួន៦ ត្រូវបានរកឃើញនៅខេត្តក្រចេះ
- 2018-03-14 01:52:46
- ចំនួនមតិ 0 | ចំនួនចែករំលែក 0
ទីទួលប្រាសាទបុរាណចំនួន៦ ត្រូវបានរកឃើញនៅខេត្តក្រចេះ
ចន្លោះមិនឃើញ
មន្រ្តីជំនាញរបស់មន្ទីរវប្បធម៌ និងវិចិត្រសិល្បៈខេត្តក្រចេះ បានរកឃើញទីទួលប្រាសាទបុរាណចំនួន៦កន្លែង នៅក្នុងស្រុកសំបូរ។ ក្នុងនោះរួមមាន៖ ទីទួលប្រាសាទទូកមាស ទីទួលប្រាសាទទួលវិហារ ទីទួលប្រាសាទនាងម្លិច ទីទួលប្រាសាទក្របីខោល ទីទួលប្រាសាទអន្លង់ក្រពើ និងទីទួលប្រាសាទត្រពាំងបន្ទាយ។ នេះបើតាមការបញ្ជាក់របស់លោក ទេព វាសនា ប្រធានមន្ទីរវប្បធម៌ខេត្តក្រចេះ កាលពីថ្ងៃទី១៣ ខែមីនា ឆ្នាំ២០១៨ ក្នុងអំឡុងប្រារព្ធទិវាវប្បធម៌ជាតិ។
លោកបន្តថា មន្ទីរវប្បធម៌ខេត្ត ក៏បានយកផ្ទាំងសិលាចរឹក ១ផ្ទាំង ទេពរូបបដិមាព្រះវិស្ណុ លិង្គព្រះឥសូរ យកមករក្សាទុកនៅមន្ទីរវប្បធម៌ខេត្ត ។ ក្រុមការងារជំនាញនៃមន្ទីរវប្បធម៌ខេត្ត ក៏បានចុះពិនិត្យទីទួលប្រាសាទមួយចំនួនដូចជា ប្រាសាទបន្ទាយសៀម ប្រាសាទអូប្រក់ ប្រាសាទល្បើកស្រុត ប្រាសាទដងរែក ប្រាសាទកំពូលប្រាំ និងប្រាសាទព្រះខ្វាន់ពី៕