លោក ត្រាំ គ្រោងដំឡើងពន្ធរាប់ពាន់លានដុល្លារលើផលិតផលចិន?
- 2018-03-14 04:18:04
- ចំនួនមតិ 0 | ចំនួនចែករំលែក 0
លោក ត្រាំ គ្រោងដំឡើងពន្ធរាប់ពាន់លានដុល្លារលើផលិតផលចិន?
ចន្លោះមិនឃើញ
លោក ដូណាល់ ត្រាំ ប្រធានាធិបតីអាមេរិក គ្រោងនឹងដំឡើងពន្ធដល់ទៅ ៦០ ពាន់លានដុល្លារលើផលិតផលនាំចូលរបស់ចិន ជាពិសេស វិស័យបច្ចេកវិទ្យា និងទូរគមនាគមន៍។ នេះបើតាមប្រភពមួយដែលបានពិភាក្សាបញ្ហានេះជាមួយក្រុមរដ្ឋបាលលោកត្រាំ បានថ្លែងកាលពីថ្ងៃ ១៣ មីនាម្សិលមិញ។
បើតាមប្រភពមួយផ្សេងទៀតដែលបានដឹងអំពីគម្រោងរបស់រដ្ឋបាលលោកត្រាំ បានថ្លែងថា ការដំឡើងពន្ធនេះ អាចនឹងត្រូវបានអនុវត្ត នាពេលឆាប់ៗខាងមុខនេះ ខណៈដែរពួកគេ[រដ្ឋបាលលោកត្រាំ] អាចដាក់បញ្ចូលផលិតផលដល់ទៅជាង ១០០ មុខក្នុងបញ្ជីពន្ធថ្មីនេះ។
ពាក់ព័ន្ធនឹងការលេចឡើងនូវព័ត៌មាននេះ សេតវិមានអាមេរិក បានបដិសេធក្នុងការបកស្រាយអំពីទំហំនៃការដំឡើង ឬក៏ពេលវេលាណាមួយនៅឡើយទេ។
គួររម្លឹកថា ថ្មីៗនេះ ចិន បានប្រកាសប្រឆាំងនឹងការដំឡើងពន្ធនាំចូលរបស់អាមេរិក ដែលបានដាក់ដោយលោក ត្រាំ កាលពីសប្ដាហ៍មុន ព្រមទាំងបានបញ្ជាក់ថា លទ្ធផលនៃការដំឡើងពន្ធនេះ គឺនាំមកនូវគ្រោះថ្នាក់តែមួយប៉ុណ្ណោះ៕
អត្ថបទទាក់ទង៖
ដូណាល់ ត្រាំ រងព្យុះប្រតិកម្ម ក្រោយការដំឡើងពន្ធនាំចូល