ចំនួនអ្នកគ្មានផ្ទះសម្បែងនៅអូស្ត្រាលីកើនឡើងច្រើន ទោះមានលំនឹងសេដ្ឋកិច្ច

2018-03-14 03:18:10
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

បើទោះជាសេដ្ឋកិច្ចកំពុងមានលំនឹងល្អនៅក្នុងប្រទេសអូស្ត្រាលី អត្រាពលរដ្ឋដែលគ្មានលំនៅឋានស្នាក់នៅបានកើនឡើងច្រើនដល់ ១៤% គិតនៅចន្លោះពីឆ្នាំ២០១១ ដល់ឆ្នាំ២០១៦។

យោងតាមទិន្នន័យរបស់ការិយាល័យស្ថិតិអូស្ត្រាលី ដែលចេញនៅថ្ងៃទី១៤មីនានេះ បង្ហាញថា បច្ចុប្បន្នប្រជាជនអូស្ត្រាលីប្រមាណជាង ១១ម៉ឺននាក់ កំពុងគ្មានទីជម្រកអាស្រ័យនៅ ហើយក្នុងនោះជាង ៤ម៉ឺននាក់ ជាមនុស្សវ័យជំទង់អាយុក្រោម ២៥ឆ្នាំ។ បើនិយាយឲ្យស្រួលស្ដាប់ គឺក្នុងចំណោមមនុស្ស១ម៉ឺននាក់ មាន៥០នាក់ហើយគ្មានផ្ទះសម្បែង។

លោក James Toomey នាយកប្រតិបត្តិបេសកកម្មអូស្ត្រាលី បាននិយាយថា តួលេខនេះគឺជារឿងគួរឲ្យអាម៉ាស់នៅលើឆាកអន្តរជាតិ ខណៈដែលរដ្ឋាភិបាលនៅតែមានចន្លោះខ្វះខាត និងការតាំងចិត្តចំពោះគម្រោងសង់លំនៅឋានតម្លៃសមរម្យឲ្យប្រជាពលរដ្ឋ។ "យើងមិនអាចឈរមើលស្ថានភាពនេះទៀតទេ។ ការមានទីកន្លែងស្នាក់នៅដែលមានសន្តិសុខសុវត្ថិភាពមួយ គឺបានន័យថាកុមារអាចចូលរៀននៅសាលា មនុស្សធំអាចធ្វើការ ពលរដ្ឋអាចមានសុខភាពល្អ ហើយសហគមន៍អាចរីកចម្រើនទៅមុខ" នេះជាការថ្លែងរបស់លោក James Toomey៕

ប្រភព៖ theguardian ប្រែសម្រួល៖ ឈាង.