តំបន់ជាច្រើន នឹងត្រូវដាច់ភ្លើងរយៈពេល ៤ថ្ងៃ
- 2018-03-14 06:34:31
- ចំនួនមតិ 0 | ចំនួនចែករំលែក 0
តំបន់ជាច្រើន នឹងត្រូវដាច់ភ្លើងរយៈពេល ៤ថ្ងៃ
ចន្លោះមិនឃើញ
អគ្គិសនីកម្ពុជា នឹងផ្អាកការផ្គត់ផ្គង់ភ្លើងរយៈពេល៤ថ្ងៃ ចាប់ពីថ្ងៃទី១៥ ដល់ ១៨ ខែមីនា ឆ្នាំ២០១៨ នៅតាមតំបន់ជាច្រើន ដើម្បីជួសជុល ផ្លាស់ប្តូរ ដំឡើងបរិក្ខារ និងរុះរើគន្លងខ្សែបណ្តាញបង្កលក្ខណៈដល់ការដ្ឋានពង្រីកផ្លូវ។
តំបន់ និងពេលវេលាដែលត្រូវផ្តាច់ភ្លើងរួមមាន៖
១. ថ្ងៃទី១៥ ខែមីនា៖ សង្កាត់បឹងសាឡាង កំពង់សំណាញ់ ចោមចៅទី១ ភ្នំពេញថ្មី កាកាបទី១ កាកាបទី២ ចោមចៅទី២ និងតំបន់មួយចំនួនចាប់ពីកំបូល ដល់ស្រុកអង្គស្នួល ចាប់ពីម៉ោង ៩ព្រឹកដល់ម៉ោង ៥ល្ងាច។
២. ថ្ងៃទី១៦ ខែមីនា៖ សង្កាត់បឹងសាឡាង គោកឃ្លាង កាកាបទី១ កាកាបទី២ ភ្នំពេញថ្មី សំរោងក្រោម ស្នោរ និងគោករកា ចាប់ពីម៉ោង ៩ព្រឹកដល់ម៉ោង ៥ល្ងាច។
៣. ថ្ងៃទី១៧ ខែមីនា៖ សង្កាត់ស្ទឹងមានជ័យទី២ ក្បាលកោះ កាកាបទី១ កាកាបទី២ ចោមចៅទី២ ត្រពាំងក្រសាំង កំបូល និងកន្ទោក ចាប់ពីម៉ោង ៩ព្រឹកដល់ម៉ោង ៥ល្ងាច។
៤. ថ្ងៃទី១៨ ខែមីនា៖ ផ្សារកណ្តាលទី២ កាកាបទី២ និងព្រែកព្នៅ ចាប់ពីម៉ោង ៩ព្រឹកដល់ម៉ោង ៥ល្ងាច៕