កាមេរ៉ាមួយគ្រឿងលក់បានជិត ៣លានដុល្លារអាមេរិក
- 2018-03-14 07:22:12
- ចំនួនមតិ 0 | ចំនួនចែករំលែក 0
កាមេរ៉ាមួយគ្រឿងលក់បានជិត ៣លានដុល្លារអាមេរិក
ចន្លោះមិនឃើញ
កាមេរ៉ាដំបូងបំផុតរបស់ក្រុមហ៊ុន Leica ចំនួន១គ្រឿង ត្រូវក្លាយជាកាមេរ៉ា ដែលមានតម្លៃខ្ពស់បំផុតនៅក្នុងពិភពលោក បន្ទាប់ពីត្រូវលក់ក្នុងតម្លៃ ២,៩៦លានដុល្លារអាមេរិក នៅក្នុងពិធីដេញថ្លៃមួយនៅប្រទេសអូទ្រីស កាលពីចុងសប្ដាហ៍កន្លងទៅ។
កាមេរ៉ាម៉ូដែល 0-Series ដែលចេញកាលពីឆ្នាំ១៩២៣ បានទាក់ទាញតម្លៃដែលជាកំណត់ត្រាពិភពលោក ក្នុងរយៈពេលត្រឹមតែ ៤៥វិនាទីប៉ុណ្ណោះ ក្នុងការដេញថ្លៃនោះ។ អ្នកដេញថ្លៃដែលជាម្ចាស់របស់កាមេរ៉ាខាងលើ ជាអ្នកប្រមូលវត្ថុបុរាណមកពីអាស៊ី ដែលមិនត្រូវបានបញ្ចេញឈ្មោះ។
សូមជម្រាបថា កាមេរ៉ា 0-Series ជាប្រភេទកាមេរ៉ាថតខ្សែភាពយន្ត ដែលត្រូវបានផលិតត្រឹមតែ ២៥គ្រឿងប៉ុណ្ណោះ ដើម្បីជាធ្វើគំរូ។ Leica បានចេញលក់កាមេរ៉ាជាលើកដំបូងនៅក្នុងឆ្នាំ១៩២៥។ បច្ចុប្បន្ន កាមេរ៉ារបស់ Leica មានតម្លៃខ្ទង់ពាន់ដុល្លារ ទៅតាមប្រភេទនីមួយៗ៕