ឥណ្ឌូណេស៊ី ចង់ឲ្យអូស្ត្រាលី ក្លាយជាសមាជិកអាស៊ានពេញសិទ្ធិ

2018-03-16 02:41:25
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក Joko Widodo ប្រធានាធិបតីឥណ្ឌូណេស៊ី បានថ្លែងប្រាប់កាសែត Sydney Morning Herald របស់អូស្ត្រាលី នាព្រឹកថ្ងៃទី១៦ មីនានេះថា លោកចង់ឲ្យអូស្ត្រាលីក្លាយទៅជាសមាជិកអាស៊ានពេញសិទ្ធិ។

លោក Joko Widodo ប្រធានាធិបតីឥណ្ឌូណេស៊ី

"ខ្ញុំគិតថាវាជាគំនិតដ៏ល្អមួយ ព្រោះថាតំបន់របស់យើង (អាស៊ាន) នឹងបានប្រសើរជាងមុន ទាំងស្ថិរភាពនយោបាយ សន្តិសុខ និងសេដ្ឋកិច្ចទៀតផង។ វាប្រាកដណាស់ថា នឹងបានប្រសើរឡើងជាក់ជាពុំខាន"។ លោក Widodo និយាយយ៉ាងដូច្នេះ ក្នុងន័យចង់ឲ្យអូស្រ្ដាលី ក្លាយជាសមាជិកថ្មីនៃអាស៊ាន។

គួររម្លឹកថា ក្នុងរបាយការណ៍កាលពីខែមុន វិទ្យាស្ថានគោលនយោបាយ និងយុទ្ធសាស្ត្រអូស្ត្រាលី បានបង្ហាញថា ប្រទេសអូស្ត្រាលី គួរតែចូលជាសមាជិកអាស៊ាននាឆ្នាំ២០២៤ ដែលជាឆ្នាំគម្រប់ខួបទី៥០ នៃចំណងមិត្តភាពរវាងអាស៊ាន និងអូស្ត្រាលី។ ជាពិសេស កិច្ចប្រជុំកំពូលពិសេសនៅទីក្រុងស៊ីដនី នៅឆ្នាំ២០១៨នេះ អាចជាពេលវេលាល្អសម្រាប់បើកកិច្ចសន្ទនាដ៏វែងមួយ អំពីដំណើរក្លាយទៅជាសមាជិកអាស៊ាន របស់អូស្ត្រាលី៕

ប្រភព៖ Channelnewsasia ប្រែសម្រួល៖ អឹុម ម៉េងស៊ាង