អាមេរិក ដាក់ទណ្ឌកម្មរុស្ស៊ី លើការជ្រៀតចូលការបោះឆ្នោត

2018-03-16 04:11:33
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

រដ្ឋបាល ដូណាល់ ត្រាំ កាលពិថ្ងៃទី១៥ មីនា ម្សិលមិញ បានសម្រេចដាក់ទណ្ឌកម្មលើប្រទេសរុស្ស៊ីហើយ ដោយក្នុងនោះមានស្ថាប័នចំនួន៥ និងបុគ្គលចំនួន ១៩នាក់។ ក្នុងចំណោមស្ថាប័នទាំងនោះ មានដូចជា ទីភ្នាក់ងារចារកម្ម FSB និងទីភ្នាក់ងារចារកម្មយោធា GRU ជាដើម។

ការដាក់ទណ្ឌកម្មនេះ គឺក្រោយអាមេរិករកឃើញថា ស្ថាប័ន និងបុគ្គលរុស្ស៊ីទាំងនោះ បានព្យាយាមជ្រៀតចូលកិច្ចការបោះឆ្នោតអាមេរិក កាលពីឆ្នាំ២០១៦ កន្លងទៅ។ វិធានថ្មីនេះ ក៏ជាការឆ្លើយតបទៅនឹងបុគ្គល ដែលបានប៉ុនប៉ងលួច Hack ចូលស្ថានីយថាមពលអគ្គិសនីរបស់អាមេរិកផងដែរ។

ចំណែកលោក Steven Mnuchin រដ្ឋមន្រ្តីរតនាគារជាតិអាមេរិក បានបញ្ជាក់ថា ទណ្ឌកម្មនេះបានបង្ហាញថា រដ្ឋបាល ដូណាល់ ត្រាំ បានកំពុងប្រឈមមុខ និងប្រឆាំងចំពោះសកម្មភាពរបស់រុស្ស៊ី ដែលរួមមានការជ្រៀតជ្រែកចូលកិច្ចការបោះឆ្នោតអាមេរិក និងការលួច Hack ចូលក្នុងកុំព្យុទ័រក្រុមហ៊ុននានា នៅសហរដ្ឋអាមេរិក៕

ប្រភព៖ Channelnewsasia ប្រែសម្រួល៖ វាសនា