ប្រធានវិញ្ញាសាបាក់ឌុបឆ្នាំ២០១៨ ត្រូវបានតាក់តែង និងគ្រប់គ្រងយ៉ាងដូចម្តេច?

2018-03-16 04:38:25
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

យោងតាមសេចក្តីណែនាំរបស់ក្រសួងអប់រំ យុវជន និងកីឡា កាលពីដើមខែមីនា ឆ្នាំ២០១៨ ឲ្យដឹងថា ប្រធានវិញ្ញសាប្រឡងសញ្ញាបត្រមធ្យមសិក្សាទុតិយភូមិទាំងអស់ ត្រូវបានជ្រើសរើស តាក់តែង រៀបចំ និងគ្រប់គ្រងដោយក្រសួងអប់រំ។

រដ្ឋមន្រ្តីក្រសួងអប់រំ បើកវិញ្ញាសាប្រឡងបាក់ឌុបឆ្នាំ២០១៧

**ការតាក់តែង រៀបចំ និងគ្រប់គ្រងប្រធានវិញ្ញាសា ត្រូវបានប្រព្រឹត្តទៅដូចខាងក្រោមនេះ**៖

ការតាក់តែងប្រធានវិញ្ញាសាប្រឡង យកតាមកម្មវិធីសិក្សាមធ្យមសិក្សាទុតិយភូមិ។
ចំពោះវិញ្ញាសាសម្រាប់ចែកឲ្យបេក្ខជន រៀបចំទៅតាមចំនួនបេក្ខជន។ ដោយឡែកវិញ្ញាសាសម្រាប់ចម្លងដាក់លើក្តារខៀន រៀបចំទៅតាមចំនួនបន្ទប់ប្រឡង។ ក្នុងករណីខ្វះត្រូវបើកស្រោមវិញ្ញាសាបម្រុងដោយមានកំណត់ហេតុត្រឹមត្រូវ។
ប្រធានវិញ្ញាសាទាំងអស់ ត្រូវរៀបចំដាក់ក្នុងស្រោមសម្ងាត់បិទជិត ប្រថាប់ត្រាក្រសួងអប់រំ និងដាក់ក្នុងហឹបចាក់សោ Sceller ត្រឹមត្រូវ។
ហឹបវិញ្ញាសាគ្រប់មុខវិជ្ជា ត្រូវបានដឹកជញ្ជូនដោយគណៈមេប្រយោគទូទាំងប្រទេស និងគណៈកម្មការអប្បមាទូទាំងប្រទេស យកទៅផ្ញើនឹងអាជ្ញាធរដែនដីដែលមានមណ្ឌលប្រឡងដើម្បីថែរក្សាទុកយ៉ាងតិច ៣៦ម៉ោង មុនពេលប្រកាសចាប់ផ្តើមប្រឡង។
អាជ្ញាធរដែនដីដែលថែរក្សាវិញ្ញាសាទាំងនោះ ត្រូវប្រគល់ឲ្យគណៈមេប្រយោគទូទាំងប្រទេសប្រចាំរាជធានី-ខេត្ត និងគណៈកម្មការអប្បមាទូទាំងប្រទេស នៅថ្ងៃចាប់ផ្តើមការប្រឡង១ម៉ោង មុនពេលបើកសម័យប្រឡង។
ការប្រគល់ឲ្យ និងការទទួលយកមកវិញនូវប្រធានវិញ្ញាសា និងកិច្ចការបេក្ខជន ត្រូវមានការទទួលខុសត្រូវទាំងសងខាង ដោយមានដីកាអមប្រគល់ និងទទួល។