ករណីផ្ទុះឡាន ពេលកំពុងសាកអាគុយ កើតឡើងលើកដំបូងនៅក្រុងបាងកក
- 2018-03-17 03:05:52
- ចំនួនមតិ 0 | ចំនួនចែករំលែក 0
ករណីផ្ទុះឡាន ពេលកំពុងសាកអាគុយ កើតឡើងលើកដំបូងនៅក្រុងបាងកក
ចន្លោះមិនឃើញ
រថយន្ត Porsche Panamera ដែលមានតម្លៃជាង ៧ម៉ឺនដុល្លារអាមេរិក ត្រូវបានផ្ទុះឆេះពេលកំពុងសាកអាគុយ ហើយអគ្គិភ័យបានឆាបឆេះផ្ទះមួយខ្នងនៅតំបន់ Taling Chan ក្រុងបាងកក កាលពីថ្ងៃសុក្រ ទី១៦ ខែមីនា ឆ្នាំ២០១៨។
Porsche Panamera ដែលជារថយន្ត Hybrid-electric បានផ្ទុះឆេះពេលកំពុងដោតសាកចេញពីបន្ទប់ទទួលភ្ញៀវ។ ប៉ូលិសបានឲ្យដឹងថា អគ្គិភ័យបានបំផ្លាញទ្រព្យសម្បត្តិ ស្មើនឹងទឹកប្រាក់ជិត ២០ម៉ឺនដុល្លារ។ ចំណែកមូលហេតុបង្កឲ្យផ្ទុះនេះ មិនទាន់ត្រូវបានដឹងនៅឡើយទេ។
សារព័ត៌មានក្នុងស្រុកមួយបានឲ្យដឹងថា ក្រុមហ៊ុន Setpoint Group ដែលជាអ្នកនាំចូលរថយន្តខាងលើ បានរាយការណ៍ហេតុការណ៍ផ្ទុះនេះ ទៅកាន់ក្រុមហ៊ុន Porsche ភ្លាមៗផងដែរ។ ចំណែកក្រុមហ៊ុនធានារ៉ាប់រង Thaivivat Insurance បានចេញមកទទួលខុសត្រូវ ចំពោះការខូចខាតនេះ៕