រុស្ស៊ី បណ្ដេញមន្ត្រីទូតអង់គ្លេស២៣រូបចេញពីប្រទេសវិញ ដើម្បីជាការសងសឹក
- 2018-03-17 08:45:27
- ចំនួនមតិ 0 | ចំនួនចែករំលែក 0
រុស្ស៊ី បណ្ដេញមន្ត្រីទូតអង់គ្លេស២៣រូបចេញពីប្រទេសវិញ ដើម្បីជាការសងសឹក
ចន្លោះមិនឃើញ
រដ្ឋាភិបាលរុស្ស៊ី នៅថ្ងៃទី១៧ ខែមីនា ឆ្នាំ២០១៨នេះ បានសម្រេចបណ្ដេញមន្ត្រីស្ថានទូតអង់គ្លេសចំនួន ២៣រូបចេញពីប្រទេសរុស្ស៊ី ដើម្បីជាការឆ្លើយតបភ្លាមៗដូចដែលខ្លួនធ្លាប់សន្យា បន្ទាប់ពីលោកស្រីនាយករដ្ឋមន្ត្រី Theresa May បញ្ជាឲ្យមន្ត្រីការទូតរុស្ស៊ីវេចបង្វេច ចេញពីប្រទេសអង់គ្លេស កាលពីប៉ុន្មានថ្ងៃកន្លងទៅ។
ក្រសួងការបរទេសរុស្ស៊ីបានប្រកាសដោយចាត់ទុកមន្ត្រីការទូតអង់គ្លេសទាំង ២៣រូប ជាជនដែលរុស្ស៊ីមិនស្វាគមន៍។
ជំហរនេះ ធ្វើឲ្យទំនាក់ទំនងការទូតរវាងប្រទេសទាំងពីរកាន់តែមានភាពតានតឹងឡើងមួយកម្រិតទៀត ក្នុងនោះអង់គ្លេសបានផ្អាករាល់កិច្ចសន្យាទ្វេភាគីទាំងអស់រវាងទីក្រុងឡុងដ៍ និងមូស្គូ៕
សូមរំឭកថា កាលពីថ្ងៃទី១៤ខែមីនា លោកស្រី May បានសម្រេចបណ្ដេញមន្ត្រីការទូតរុស្ស៊ីចំនួន ២៣នាក់ បន្ទាប់ពីក្រុងមូស្គូ បដិសេធក្នុងការបកស្រាយពីករណីភ្នាក់ងារចារកម្មរបស់កងទ័ពរុស្ស៊ី ចូលមកធ្វើឃាតអតីតភ្នាក់ងារចារកម្មរបស់អង់គ្លេស និងរុស្ស៊ី លោក Sergei Skripal ដោយដាក់ថ្នាំបំពុល នៅក្រុង Salisbury ប្រទេសអង់គ្លេស កាលពីថ្ងៃទី៤ ខែមីនា ឆ្នាំ២០១៨៕