លោក លី ខឺឈាង ត្រូវបានជ្រើសតាំងឲ្យធ្វើជានាយករដ្ឋមន្រ្តីចិន ១អាណត្តិទៀត

2018-03-18 03:35:20
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

សភាប្រជាជនចិន នៅថ្ងៃទី១៨ ខែមីនា ឆ្នាំ២០១៨នេះ បានបោះឆ្នោតឲ្យលោក លី ខឺឈាង បន្តធ្វើជានាយករដ្ឋមន្រ្តីរយៈពេល ៥ឆ្នាំ នៃអាណត្តិទី២របស់លោកទៀត។ ការបោះឆ្នោតនេះ ធ្វើឡើងដោយសំឡេងគាំទ្រ ២៩៦៤ ទល់នឹង ២សំឡេង។

លោក លី ខឺឈាង ក្នុងអំឡុងទស្សនកិច្ចនៅកម្ពុជា កាលពីខែមករា ឆ្នាំ២០១៨

ការបោះឆ្នោតជ្រើសរើសនាយករដ្ឋមន្រ្តីនេះ គឺបន្ទាប់ពីលោក ស៊ី ជីនភីង ត្រូវបានសភាប្រជាជនចិន បោះឆ្នោតឲ្យបន្តកាន់តំណែងជាប្រធានាធិបតីចិនរយៈពេល ៥ឆ្នាំ នៃអាណត្តិទី២របស់លោកផងដែរ កាលពីថ្ងៃទី១៧ ខែមីនាម្សិលមិញ។

សម័យប្រជុំរបស់សភាប្រជាជនចិន ថ្ងៃទី១៨ ខែមីនា ឆ្នាំ២០១៨

សូមជម្រាបថា លោក លី ខឺឈាង ដែលមានវ័យ ៦២ឆ្នាំ គឺជានាយករដ្ឋមន្រ្តីទី៧ នៃសាធារណរដ្ឋប្រជាមានិតចិន។ លោកបានចូលកាន់តំណែងនេះជាលើកដំបូង នៅថ្ងៃទី១៣ ខែមីនា ឆ្នាំ២០១៣៕

ប្រភព៖ ABC News ប្រែសម្រួល៖ សំភី