អភិបាលខេត្តថៃម្នាក់ចេញមុខសំពះសុំទោសប្រជាជន ចំពោះសេចក្ដីប្រកាស១
- 2018-03-19 06:40:42
- ចំនួនមតិ 0 | ចំនួនចែករំលែក 0
អភិបាលខេត្តថៃម្នាក់ចេញមុខសំពះសុំទោសប្រជាជន ចំពោះសេចក្ដីប្រកាស១
ចន្លោះមិនឃើញ
លោក Suchai Butsara អភិបាលខេត្ត Khon Kaen និងក្រុមការងារ បានធ្វើការសុំទោសប្រជាជនជាសាធារណៈ កាលពីថ្ងៃអាទិត្យទី១៨ ខែមីនា ឆ្នាំ២០១៨ ក្រោយប្រើពាក្យខុស និងមិនសមរម្យនៅក្នុងសេចក្ដីប្រកាសមួយ។
សេចក្ដីប្រកាសដែលទទួលការរិះគន់ខ្លាំងរបស់អភិបាលខេត្ត Khon Kaen បានចេញកាលពីថ្ងៃទី៩ ខែមីនា ដោយក្នុងនោះមានអត្ថន័យកោះអញ្ជើញភ្នាក់ងារពាក់ព័ន្ធឲ្យចូលរួមពិភាក្សាអំពីកម្មវិធីអប់រំមួយមានចំណងជើងហៅថា៖ "របៀបបញ្ឈប់ពលរដ្ឋឲ្យឆោតល្ងង់"។ ចំណងជើងនេះ បានបញ្ឆេះកំហឹងអ្នកប្រើប្រាស់បណ្ដាញសង្គមនៅប្រទេសថៃ ពិសេសអ្នកនៅខេត្ត Khon Kaen យ៉ាងខ្លាំង ដែលយល់ថា វាជាការប្រមាថពលរដ្ឋ និងមើលងាយការកម្រិតវប្បធម៌របស់ពួកគេ។
លោក Suchai Butsara អំឡុងពេលធ្វើសន្និសីទសុំទោស បាននិយាយថា ក្រុមការងាររបស់លោកមិនមានបំណងប្រមាថដល់ប្រជាជនក្នុងខេត្តនោះទេ ហើយចំណងជើងនៃកម្មវិធីនេះក៏ត្រូវបានផ្លាស់ប្ដូរថ្មីហើយ ដោយដាក់ឈ្មោះថា៖ "របៀបអប់រំប្រជាពលរដ្ឋ ដើម្បីកែប្រែពិភពលោក"៕