តេលេស្កុបអវកាសដែលរកឃើញភពជាង២ពាន់នោះ ជិតអស់ប្រេងហើយ
- 2018-03-19 06:48:22
- ចំនួនមតិ 0 | ចំនួនចែករំលែក 0
តេលេស្កុបអវកាសដែលរកឃើញភពជាង២ពាន់នោះ ជិតអស់ប្រេងហើយ
ចន្លោះមិនឃើញ
តេលេស្កុបអវកាស Kepler របស់អង្គការណាសា កំពុងតែជិតអស់សាំង ហើយគ្រោងនឹងបញ្ចប់ប្រតិបត្តិការ នៅក្នុងរយៈពេលប៉ុន្មានខែខាងមុខនេះ។ Kepler បានបំពេញបេសកកម្មជាង ៩ឆ្នាំមកហើយ ដោយបានរកឃើញភពជាង២ពាន់ក្នុងទីអវកាស។
លោក Charlie Sobeck វិស្វករប្រព័ន្ធសម្រាប់បេសកកម្ម Kepler នៃអង្គការណាសា បានឲ្យដឹងកាលពីថ្ងៃទី១៦ ខែមីនា ឆ្នាំ២០១៨ថា តាមការប៉ាន់ស្មាន ធុងសាំងរបស់តេលេស្កុបនេះកំពុងមានកម្រិតទាប ហើយនឹងត្រូវស្ងួតអស់ក្នុងប៉ុន្មានខែខាងមុខនេះ។ មុនបញ្ចប់ប្រតិបត្តិការ ក្រុមការងារនឹងព្យាយាមប្រមូលទិន្នន័យពីតេលេស្កុបនេះ តាមដែលអាចធ្វើទៅបាន។
សូមជម្រាបថា តេលេស្កុប Kepler ដែលមានតម្លៃជាង ៦០០លានដុល្លារ ត្រូវបានបាញ់បង្ហោះចូលក្នុងគន្លងផែនដីកាលពីឆ្នាំ២០០៩ ដើម្បីស្រាវជ្រាវភពនានា ដែលស្ថិតក្នុងកាឡាក់ស៊ី Milky Way។ មកដល់ពេលនេះ Kepler បានរកឃើញភពចំនួន ២៣៤២ភពហើយ ស្មើនឹងប្រមាណ ២ភាគ៣ នៃភពទាំងអស់ដែលបានរកឃើញ៕