រថយន្តម៉ាកអង្គរសល់តាំងពីសម័យសង្គមរាស្ត្រនិយម នៅតែដំណើរការក្នុងប្រទេសកម្ពុជា
- 2018-03-20 00:32:19
- ចំនួនមតិ 0 | ចំនួនចែករំលែក 0
រថយន្តម៉ាកអង្គរសល់តាំងពីសម័យសង្គមរាស្ត្រនិយម នៅតែដំណើរការក្នុងប្រទេសកម្ពុជា
ចន្លោះមិនឃើញ
រថយន្តអង្គរ (Angkor) ប្រភេទ Mini bus ដែលផលិតនៅក្នុងសម័យសង្គមរាស្ត្រនិយមអំឡុងទសវត្សរ៍ ឆ្នាំ១៩៦០ (១៩៥៥-១៩៥៦) ត្រូវបានដំឡើងសាជាថ្មីនៅក្នុងអំឡុងទសវត្សរ៍ឆ្នាំ១៩៩០ ដោយរក្សាទុកនូវរចនាបថនៅដដែល។ រថយន្តនេះសព្វថ្ងៃ កំពុងមានវត្តមាននៅតែស្រុកមោងឫស្សី ខេត្តបាត់ដំបងតែប៉ុណ្ណោះ។
បើតាមលោកពូដែលជាម្ចាស់រថយន្តមួយគ្រឿងក្នុងចំណោមរថយន្តដែលមានសល់ប្រហែល ៤ គ្រឿងប៉ុណ្ណោះ (ពណ៌ស ៣ គ្រឿង និងទឹកក្រូច ១គ្រឿង) បានរៀបរាប់ឲ្យដឹងថា រថយន្តនេះសល់តាំងពីសម័យសង្គមរាស្ត្រនិយមមកម្ល៉េះ ប៉ុន្តែកៅអីអង្គុយ តួ ទ្វារ និងដំបូលរថយន្តពុកផុយអស់ទៅហើយ។ ហេតុដូច្នេះហើយទើបវាត្រូវបានជួសជុល រៀបចំដំឡើងសាជាថ្មី នៅទសវត្សរ៍ឆ្នាំ១៩៩០ ដោយយកតាមគំរូរថយន្តចាស់ដដែល ហើយគ្រឿងម៉ាស៊ីន និងគ្រឿងក្រោមភាគច្រើនគឺជារបស់ដើមស្ទើរតែទាំងអស់។ ម៉ាស៊ីនដើមគឺផលិតដោយក្រុមហ៊ុន Citröen របស់ប្រទេសបារាំង ឯគ្រឿងបន្សំផ្សេងៗផលិតនៅកម្ពុជា។
បច្ចុប្បន្ន រថយន្តទាំងនេះត្រូវបានគេប្រើសម្រាប់ដឹកទំនិញ និងអ្នកដំណើរទៅមកជាប្រចាំពីទីរួមខេត្តបាត់ដំបង ទៅផ្សារមោង ក្នុងស្រុកមោងឫស្សីតែប៉ុណ្ណោះ៕
រូបភាព៖ មន្ទីរទេសចរណ៍ខេត្តបាត់ដំបង