បទ "មាន់ស្រែ" ចេញ MV ថ្មីជាលើកទី២ ខណៈ MV ចាស់ត្រូវលុបចោល
- 2018-03-20 04:18:32
- ចំនួនមតិ 0 | ចំនួនចែករំលែក 0
បទ "មាន់ស្រែ" ចេញ MV ថ្មីជាលើកទី២ ខណៈ MV ចាស់ត្រូវលុបចោល
ចន្លោះមិនឃើញ
"មាន់ស្រែ" ជាបទចម្រៀងកំពុងមានការពេញនិយមនៅលើបណ្ដាញសង្គម ដែលជាការបកស្រាយរបស់កញ្ញា រ៉ាប៊ី នៅក្នុងផលិតកម្ម Town។ MV បទ "មាន់ស្រែ" បានចេញជាផ្លូវការ កាលពីប៉ុន្មានថ្ងៃមុនមកហើយ តែកាលពីយប់ថ្ងៃទី១៩មីនាម្សិលមិញ Town បែរជាដាក់បង្ហាញនូវ MV ទី២របស់បទ "មាន់ស្រែ" ជាថ្មីម្ដងទៀត។
ជាការកត់សម្គាល់ ទន្ទឹមនឹងការចេញវីដេអូចម្រៀងថ្មីនេះ MV "មាន់ស្រែ" ដំបូងក៏ត្រូវបានលុបចោល ឬដាក់ជាលក្ខណៈឯកជន (មិនបង្ហាញឲ្យសាធារណជនមើលឃើញ) ភ្លាមៗផងដែរ។ មតិមួយចំនួននៅលើបណ្ដាញសង្គម បានអះអាងថា ការចេញ MV ថ្មីគឺដោយសារតែមានការរិះគន់ខ្លាំងលើ MV ចាស់ ចំពោះកាយវិការដែលមិនស៊ីគ្នានឹងអត្ថន័យចម្រៀងទាល់តែសោះ។ យ៉ាងណាមិញ ពេលចេញ MV ទី២នេះ អ្នកគាំទ្របានបង្ហាញការសាទរ និងពេញចំពោះការកែប្រែនេះ ហើយរៀបរាប់ថាវាមានលក្ខណៈស៊ីចង្វាក់នឹងន័យចម្រៀង៕