រមាសឈ្មោលពូជកម្រ មួយក្បាលចុងក្រោយលើផែនដី បានងាប់ហើយ
- 2018-03-20 09:39:28
- ចំនួនមតិ 0 | ចំនួនចែករំលែក 0
រមាសឈ្មោលពូជកម្រ មួយក្បាលចុងក្រោយលើផែនដី បានងាប់ហើយ
ចន្លោះមិនឃើញ
សត្វរមាសសឈ្មោលពូជភាគខាងជើងសល់តែមួយលើពិភពលោក បានបាត់បង់ជីវិត កាលពីថ្ងៃ១៩ មីនាម្សិលមិញ នៅក្នុងប្រទេសកេនយ៉ា។ នេះបើតាមការអះអាងរបស់ក្រុមអ្នកចិញ្ចឹម។ ដោយបច្ចុប្បន្នពូជរមាសសខាងជើង គឺនៅសល់តែញីពីរក្បាលទៀតប៉ុណ្ណោះ។
ក្រុមអ្នកអភិរក្ស Ol Pejeta Conservancy បានថ្លែងថា សត្វរមាសនេះ មានឈ្មោះថា Sudan អាយុ ៤៥ ឆ្នាំ ។ មូលហេតុនៃការស្លាប់នេះ បណ្ដាលមកពីភាពចាស់ជរា ដែលធ្វើឲ្យសាច់ដុំ និងឆ្អឹងរបស់វាចុះខ្សោយ រួមទាំងស្បែករបស់របកជាបន្តបន្ទាប់ទៀតផង។
សូមជម្រាបថា សត្វរមាសសរឈ្មោល Sudan នេះ ធ្លាប់រស់នៅសួនសត្វ Dver Kralove ក្នុងសាធារណៈរដ្ឋឆេក មុននឹងត្រូវបានដឹកមកតំបន់អភិរក្សសត្វ Ol Pejeta Conservancy ដែលជាកន្លែងសត្វរមាសនេះរស់នៅជាមួយនឹងសត្វរមាសញី២ផ្សេងទៀត។ សត្វរមាសទាំងពីរដែលនៅរស់នេះ មួយមានឈ្មោះ Najin អាយុ ២៧ ឆ្នាំ និងមួយទៀតមានឈ្មោះ Fatu អាយុ ១៧ឆ្នាំ៕