កាសែតភ្នំពេញប៉ុស្តិ៍ ប្រកាសថាខ្លួនមិនប្រឈមនឹងការបិទនោះទេ
- 2018-03-21 04:10:36
- ចំនួនមតិ 0 | ចំនួនចែករំលែក 0
កាសែតភ្នំពេញប៉ុស្តិ៍ ប្រកាសថាខ្លួនមិនប្រឈមនឹងការបិទនោះទេ
ចន្លោះមិនឃើញ
កាសែតភ្នំពេញប៉ុស្តិ៍ បានអះអាងថា ខ្លួននឹងមិនប្រឈមការការបិទ ដោយសារបញ្ហាជំពាក់ពន្ធដារ ដូចបណ្ដាញសារព័ត៌មានបរទេស និងប្រព័ន្ធផ្សព្វផ្សាយមួយចំនួនបានចុះផ្សាយនោះទេ។ នេះបើតាមសេចក្តីថ្លែងការដែលបានចេញ កាលពីថ្ងៃ ២០ មីនាម្សិលមិញ។
ក្នុងសេចក្តីថ្លែងការដដែលនេះ កាសែតភ្នំពេញប៉ុស្តិ៍ បានអះអាងថា ខ្លួនបានក្លាយជាទីទុកចិត្តសម្រាប់មិត្តអ្នកអាន នៅក្នុងប្រទេសកម្ពុជា អស់រយៈពេល២៥ឆ្នាំមកហើយ។ ហើយខ្លួនរំពឹងថានឹងបន្តការងារនេះជាច្រើនឆ្នាំបន្តទៅមុខទៀត។ លើសពីនេះ ភ្នំពេញប៉ុស្តិ៍បញ្ជាក់ថា បញ្ហាបង់ពន្ធ និងការចុះធ្វើអធិការកិច្ច គឺជារឿងធម្មតាសម្រាប់ការធ្វើអាជីវកម្ម ហើយខ្លួនក៏មិនមានការជាប់ពាក់ព័ន្ធនឹងរឿងនយោបាយនោះដែរ។
សូមជម្រាបថា ការបកស្រាយរបស់កាសែតភ្នំពេញប៉ុស្តិ៍ បានធ្វើឡើងបន្ទាប់ពីមានសារព័ត៌មានបរទេស និងបណ្ដាញព័ត៌មានមួយចំនួនបានផ្សព្វផ្សាយថា កាសែតភ្នំពេញប៉ុស្តិ៍ កំពុងប្រឈមនឹងការបិទទាំងស្រុង ដោយសារតែជំពាក់ពន្ធរដ្ឋរាប់លានដុល្លារ និងរឿងនយោបាយនៅកម្ពុជា៕