Sanchez រំឭកអ្នកគាំទ្រ Man Utd ឲ្យនឹកដល់កីឡាករម្នាក់ដែលបរាជ័យនៅក្រុមបិសាចក្រហម

2018-03-21 07:28:08
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ខ្សែបម្រើប្រយុទ្ធ Alexis Sanchez ត្រូវគេមើលឃើញថា កំពុងតែដើរលើគម្លងរបស់អតីតម្ចាស់អាវលេខ៧ ម្នាក់ដែលបានទទួលបរាជ័យនៅក្លឹបបិសាចក្រហម Manchester United កាលពីប៉ុន្មានឆ្នាំមុន។ កីឡាករនោះគឺ Angle Di Maria ដែលបានផ្ទេរទៅកាន់ក្លឹប PSG ។

Angle Di Maria

Sanchez គឺជាកីឡាករដែលទទួលបានប្រាក់ឈ្នួលខ្ពស់ជាងគេ នៅក្របខ័ណ្ឌ English Premier League បន្ទាប់ពី Man Utd យល់ព្រមផ្ដល់ ៦០ម៉ឺនផោន ឬជាង ៨០ម៉ឺនដុល្លារអាមេរិក ក្នុង១សប្ដាហ៍។ ក៏ប៉ុន្តែ កីឡាករដែលមានវ័យ ២៩ឆ្នាំនេះ ទើបតែរកបាន ១គ្រាប់ប៉ុណ្ណោះ ក្រោយផ្ទេរពី Arsenal កាលពីខែមករា កន្លងទៅ។

មិនខុសគ្នានោះទេ Angle di Maria ដែលបានផ្ទេរពី Real Madrid ទៅកាន់ទឹកដី Old Trafford របស់ Man Utd ក្នុងតម្លៃខ្លួន ៥៩,៧លានផោន កាលពីឆ្នាំ២០១៤ បានផ្លាស់ទៅលេងនៅបារាំង ក្នុងតម្លៃខ្លួនដែល Man Utd លក់ទៅឲ្យ PSG ត្រឹមតែ ៤៤លានផោនប៉ុណ្ណោះ ក្នុងឆ្នាំ២០១៥។ មូលហេតុនៃការចាកចេញ គឺដោយសារតែ Di Maria មិនសូវជោគជ័យ ដោយមួយរដូវកាលរកបានតែ ៣គ្រាប់ប៉ុណ្ណោះ។

Alexis Sanchez

ទោះជាយ៉ាងណា លោក Jose Mourinho អ្នកចាត់ការក្រុមបិសាចក្រហម បាននិយាយថា Sanchez នឹងលេងបានល្អឡើងវិញ នៅរដូវកាលក្រោយ។ បច្ចុប្បន្ន Sanchez កំពុងប្រជែងក្នុងតំណែងខ្សែបម្រើស្លាបឆ្វេង នៅក្រុម Man Utd ជាមួយកីឡាករមួយចំនួន ដូចជា Anthony Martial, Marcus Rashford និង Jesse Lingard ៕

ប្រភព៖ Dailymail ប្រែសម្រួល៖ លាភ.