អង់គ្លេសថា World Cup របស់ពូទីន មិនខុសគ្នាពីអូឡាំពិករបស់ហ៊ីត្លែរ កាលឆ្នាំ១៩៣៦ទេ

2018-03-21 23:37:44
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក Boris Johnson រដ្ឋមន្ត្រីការបរទេសអង់គ្លេស កាលពីថ្ងៃទី២១ ខែមីនា ឆ្នាំ២០១៨ បានថ្លែងថា លោក វ្ល៉ាឌឺមៀ ពូទីន នឹងយកព្រឹត្តិការណ៍ World Cup ដើម្បីលើកមុខមាត់របស់ប្រទេសរុស្ស៊ីឡើងវិញ ដូចអតីតមេដឹកនាំ ហ៊ីត្លែរ ដែលបានប្រើប្រាស់ព្រឹត្តិការណ៍អូឡាំពិកឆ្នាំ១៩៣៦ ដើម្បីលើកមុខមាត់ប្រទេសអាល្លឺម៉ង់។

លោក Boris Johnson

លោក Johnson ក៏បានបង្ហាញក្ដីបារម្ភចំពោះសុវត្ថិភាពរបស់អ្នកគាំទ្រក្រុមជម្រើសជាតិអង់គ្លេស ដែលធ្វើដំណើរទៅប្រទេសរុស្ស៊ី បន្ទាប់ពីកើតមានករណីហិង្សាដោយការវាយតប់ រវាងអ្នកគាំទ្រអង់គ្លេស និងអ្នកគាំទ្ររុស្ស៊ី កាលពីព្រឹត្តិការណ៍បាល់ទាត់ EURO ឆ្នាំ២០១៦ នៅប្រទេសបារាំង។

អង់គ្លេស ក៏បានប្រកាសផងដែរថា ខ្លួនមិនបញ្ជូនរដ្ឋមន្ត្រី និងខ្សែរាជវង្ស ទៅចូលរួម World Cup ដែលធ្វើឡើងនាខែមិថុនា ខាងមុខនោះទេ។

ការលើកឡើងនេះ បន្ទាប់ពីលោក Johnson ក៏ដូចជានាយករដ្ឋមន្ត្រីអង់គ្លេស លោកស្រី Theresa May បានចោទប្រកាន់រុស្ស៊ីថាបានបញ្ជូនភ្នាក់ងារចារកម្ម ចូលមកអង់គ្លេសដើម្បីសម្លាប់អតីតភ្នាក់ងារចារកម្មអង់គ្លេស Sergei Skripal កាលពីដើមខែមីនាកន្លងទៅ និងបន្ទាប់ពីរុស្ស៊ីបណ្ដេញមន្ត្រីទូតរបស់អង់គ្លេសចំនួន ២៣រូប៕

អត្ថបទពាក់ព័ន្ធ

ប្រភព៖ Bangkokpost ប្រែសម្រួល៖ លាភ.