កម្ពុជា គ្រោងបង្កើតសាកលវិទ្យាល័យសម្រាប់បណ្តុះបណ្តាលជំនាញវិស័យកីឡា

2018-03-22 00:43:53
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

សាកលវិទ្យាល័យ សម្រាប់បណ្តុះបណ្តាលជំនាញវិស័យកីឡា នឹងត្រូវបង្កើតឡើង ស្របពេលកម្ពុជាធ្វើជាម្ចាស់ផ្ទះរៀបចំកីឡា ស៊ីហ្គេមនៅឆ្នាំ២០២៣ ខាងមុខ។ នេះជាការចុះផ្សាយរបស់ទីភ្នាក់ងារសារព័ត៌មានកម្ពុជា កាលពីថ្ងៃទី២១ ខែមីនា ឆ្នាំ២០១៨។

មណ្ឌលកីឡាហែលទឹក នៃពហុកីឡដ្ឋានមរតកតេជោ

លោក ហង់ ជួនណារ៉ុន រដ្ឋមន្ត្រីក្រសួងអប់រំ យុវជន និងកីឡា បានមានប្រសាសន៍ក្នុងកិច្ចពិភាក្សាសន្និបាតអប់រំ យុវជន និងកីឡាកាលពីថ្ងៃទី២១មីនាថា ការបង្កើតឲ្យមានការបណ្តុះបណ្តាលជំនាញវិស័យកីឡាដល់កម្រិតខ្ពស់នេះ នឹងជួយឲ្យវិស័យកីឡារបស់កម្ពុជាមានភាពប្រសើរឡើង ព្រមទាំងអាចឈានទៅ ប្រកួតក្នុងព្រឹត្តិការណ៍កីឡា ក្នុងតំបន់ និងពិភពលោកផងដែរ។

លោករដ្ឋមន្ត្រីបានបន្តថា កម្ពុជាត្រូវការធនធានមនុស្ស និងគ្រូបង្វឹកកីឡា ដែលមានចំណេះដឹង និងជំនាញកីឡាប្រភេទ ផ្សេងៗច្បាស់លាស់ ដើម្បីជួយបង្ហាត់បង្រៀនយុវជនឲ្យមានសមត្ថភាពក្នុងការ ដណ្តើមមេដាយលើឆាកអន្តរជាតិ ពិសេសនៅក្នុងកីឡាស៊ីហ្គេម លើកទី៣២។

គំរូកីឡដ្ឋានមរតកតេជោ សម្រាប់កីឡាស៊ីហ្គេម ឆ្នាំ២០២៣

សូមបញ្ជាក់ថា រាជរដ្ឋាភិបាលកម្ពុជា បានដាក់ឲ្យមានព្រឹត្តិការណ៍កីឡាជាតិប្រចាំឆ្នាំ ចាប់ពីឆ្នាំ២០១៥មក ដើម្បីបង្ហាញឲ្យឃើញពីសមត្ថភាពរបស់កូនខ្មែរ ដែលមានជំនឿទុកចិត្តទៅ លើវិស័យកីឡាដោយនាំមកកិត្តិយសរបស់ប្រទេសជាតិនៅលើឆាកអន្តរជាតិ ខណៈដែលធនធានកីឡាករ និងប្រភេទកីឡា ដែលមានសក្ដានុពលរបស់កម្ពុជា មានតិចតួចនៅឡើយ៕