រកឃើញគូប្រជែងរបស់ U21 កម្ពុជា ក្នុងពានរង្វាន់មួយនៅព្រុយណេ
- 2018-03-22 02:11:51
- ចំនួនមតិ 0 | ចំនួនចែករំលែក 0
រកឃើញគូប្រជែងរបស់ U21 កម្ពុជា ក្នុងពានរង្វាន់មួយនៅព្រុយណេ
ចន្លោះមិនឃើញ
ក្រុមបាល់ទាត់ជម្រើសជាតិអាយុក្រោម២១ឆ្នាំ (U21) កម្ពុជា ត្រូវបានចាប់ឆ្នោតស្ថិតក្នុងពូល B ជាមួយប្រទេសឡាវ និងសិង្ហបុរី នៃពានរង្វាន់ Hassanal Bolkiah Trophy ។ ដោយឡែក ពូល A មាន ក្រុមថៃ មីយ៉ាន់ម៉ា ទីម័រខាងកើត និងម្ចាស់ផ្ទះ ព្រុយណេ។
បើតាមគណៈកម្មាធិការជាតិអូឡាំពិកកម្ពុជា បានឲ្យដឹងកាលពីថ្ងៃទី២១មីនាថា គ្រូបង្វឹក ប្រាក់ សុវណ្ណារ៉ា បានជ្រើសរើសយុវជនវ័យក្មេងជាច្រើន ដើម្បីត្រៀមលេងក្នុងពានរង្វាន់ខាងលើដែលរៀបចំដោយសមាគមបាល់ទាត់ប្រ៊ុយណេ សហការជាមួយសហព័ន្ធកីឡាបាល់ទាត់អាស៊ាន។
អតីតគ្រូបង្វឹកបឹងកេត បានកោះហៅកីឡាករវ័យក្មេងមួយចំនួនដូចជា អ្នកចាំទីកែវ សុខសិលា របស់ វិសាខា, អ្នកចាំទី អោម ឧត្ដម របស់ ព្រះខ័នរាជស្វាយរៀង, ខ្សែការពារ សេត រ៉ហ្សីប របស់ បឹងកេត, ខ្សែការពារ អ៊ុក សុវណ្ណ និង យ៉ើ សាហ្វី របស់ ភ្នំពេញក្រោន។ លើសពីនេះ មានខ្សែបម្រើ សុខ ហៀង ពីក្រសួងការពារជាតិ, ស៊ិន កក្កដា ពី ភ្នំពេញក្រោន និង ខ្សែប្រយុទ្ធឡើងជើង ម៉ាត់ ណូរុន របស់ អគ្គិសនីកម្ពុជា។
សូមបញ្ជាក់ថា ការប្រកួតនឹងចាប់ផ្ដើមពីថ្ងៃទី២៣ ខែមេសា ដល់ថ្ងៃទី៨ ខែឧសភា ឆ្នាំ២០១៨៕