កម្ពុជាត្រូវបានអញ្ជើញឲ្យចូលរួមកម្មវិធីពិព័រណ៍ចំនួន២នៅប្រទេសចិន
- 2018-03-22 02:43:30
- ចំនួនមតិ 0 | ចំនួនចែករំលែក 0
កម្ពុជាត្រូវបានអញ្ជើញឲ្យចូលរួមកម្មវិធីពិព័រណ៍ចំនួន២នៅប្រទេសចិន
ចន្លោះមិនឃើញ
ក្រសួងពាណិជ្ជកម្មនៃសាធារណរដ្ឋប្រជាមានិតចិន បានអញ្ជើញកម្ពុជាឲ្យចូលរួមក្នុងកម្មវិធីពិព័រណ៍ចំនួន២ គឺ "ពិព័រណ៍ចិន-អាស៊ីខាងត្បូងលើកទី៥" និង "ពិព័រណ៍ផលិតផលនាំចេញ-នាំចូលទីក្រុងគុនមិញ លើកទី២៥"។
យោងតាមសេចក្ដីប្រកាសរបស់ក្រសួងពាណិជ្ជកម្មកម្ពុជា កម្មវិធីពិព័រណ៍ទាំង២នឹងប្រព្រឹត្តទៅចាប់ពីថ្ងៃទី១៤ ដល់ថ្ងៃទី២០ ខែមិថុនា ឆ្នាំ២០១៨ខាងមុខ នៅមជ្ឈមណ្ឌលតាំងពិព័រណ៍ និងសន្និសីទអន្តរជាតិ Dianchi ទីក្រុងគុនមិញ ខេត្តយូណាន់ ប្រទេសចិន។ សម្រាប់អ្នកដែលមានចំណាប់អារម្មណ៍ចង់ចូលរួមតាំងបង្ហាញផលិតផលរបស់ខ្លួន អាចទាក់ទងទៅកាន់នាយកដ្ឋានកិច្ចការពិព័រណ៍នៃអគ្គនាយកដ្ឋានជំរុញពាណិជ្ជកម្ម ក្រសួងពាណិជ្ជកម្ម ដែលមានទីតាំងនៅដីឡូតិ៍លេខ១៩-៦១ មហាវិថីសហព័ន្ធរុស្ស៊ី ភូមិទឹកថ្លា សង្កាត់ទឹកថ្លា ខណ្ឌសែនសុខ រាជធានីភ្នំពេញ។ ថ្ងៃផុតកំណត់បំពេញបែបបទចុះឈ្មោះគឺនៅថ្ងៃទី២៥ ខែមេសា ឆ្នាំ២០១៨។
តម្លៃក្នុងការជួលគឺកំណត់យក ៥ពាន់យ័ន ឬស្មើនឹងប្រមាណជា ៧៩០ដុល្លារអាមេរិក ក្នុង១ស្ដង់៕