ស្ថានីយអវកាសចិន អាចធ្លាក់ចំទីក្រុងនៃប្រទេសមហាអំណាចមួយ នៅខែក្រោយ

2018-03-22 06:23:21
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ស្ថានីយអវកាសរបស់ចិន ឈ្មោះ Tiangong-1 នឹងធ្លាក់ចូលមកក្នុងផែនដី ចន្លោះពីថ្ងៃទី៣០ ខែមីនា ដល់ថ្ងៃទី៦ ខែមេសា ឆ្នាំ២០១៨។

អ្នកជំនាញបានអះអាងថា ស្ថានីយអវកាសចិននេះ នឹងធ្លាក់នៅលើខ្សែបន្ទាត់រយៈបណ្ដោយស្រប នៃភាគខាងជើងនិងខាងត្បូង ផែនដី ក្នុងមុំ ៤៣ដឺក្រេ។ ក្នុងនោះ ទីក្រុងមួយនៃប្រទេសមហាអំណាចមួយចំនួន ដែលប្រឈមនឹងហានិភ័យខ្ពស់ដោយសារការធ្លាក់របស់ស្ថានីយនេះ មានដូចជា ក្រុងញ៉ូយ៉ក (អាមេរិក), បាសេឡូណា (អេស្ប៉ាញ), ម៉ាឌ្រីត (អេស្ប៉ាញ), រ៉ូម (អ៊ីតាលី), អ៊ីស្ដង់ប៊ុល (តួកគី), សូជី (រុស្ស៊ី), ប៉េកាំង (ចិន), សាប៉ូរ៉ូ (ជប៉ូន), និង ក្រុង Hobart (អូស្ត្រាលី) ជាដើម។

ផែនទីបង្ហាញពីទីក្រុងដែលស្ថានីយអវកាសរបស់ចិន អាចធ្លាក់ចំ

ស្ថានីយអវកាសចិនដដែល មានទម្ងន់ ៨,៥តោន បានបាត់បង់ការគ្រប់គ្រងកាលពីឆ្នាំ២០១៦។ វាគឺជាមន្ទីរពិសោធន៍អវកាសដំបូងរបស់ចិន ត្រូវបានបាញ់បង្ហោះចូលក្នុងគន្លងផែនដី នៅឆ្នាំ២០១១។ នេះគឺជាផ្នែកនៃកម្មវិធីអវកាស១របស់ចិន ដើម្បីឈានទៅដល់ការដាក់ស្ថានីយអវកាសជាអចិន្ត្រៃយ៍១នៅគន្លងផែនដី ក្នុងឆ្នាំ២០២៣។

ដំបូងឡើយ ស្ថានីយអវកាសនេះ គ្រោងនឹងបញ្ឈប់ប្រតិបត្តិការនៅឆ្នាំ២០១៣ ប៉ុន្តែចិនបានពន្យារពេលនៃបេសកកម្មរបស់វារហូតដល់ចុងឆ្នាំ២០១៧។

បើតាមលោក Zhu Congpeng វិស្វករជាន់ខ្ពស់១រូបនៅក្រុមហ៊ុនវិទ្យាសាស្ត្រអវកាសចិន បាននិយាយថា វានឹងឆេះពេលចូលក្នុងបរិយាកាសផែនដី ហើយបំណែកដែលនៅសេសសល់ នឹងធ្លាក់ចូលក្នុងតំបន់ណាមួយនៃសមុទ្រ៕