ចង់ឆែកវិបសាយពិសេសលើស្មាតហ្វូនកុំឲ្យមានអ្នកដឹង អាចសាកល្បងវិធីនេះបាន!
- 2018-03-22 08:34:35
- ចំនួនមតិ 0 | ចំនួនចែករំលែក 0
ចង់ឆែកវិបសាយពិសេសលើស្មាតហ្វូនកុំឲ្យមានអ្នកដឹង អាចសាកល្បងវិធីនេះបាន!
ចន្លោះមិនឃើញ
រាល់ពេលឆែកមើលវិបសាយនានានៅលើ Browser ទូរសព្ទ នោះវានឹងបន្សល់ទុកនូវកំណត់ហេតុ (History) ដែលអាចឲ្យអ្នកដទៃដឹងថា អ្នកធ្លាប់បើកមើលអ្វី ឬក៏ចូលទៅវិបសាយណាខ្លះ។ វិធីមួយដែលគេនិយមធ្វើគឺលុប History ចោល រាល់ពេលបើកវិបសាយរួចម្ដងៗ ក្នុងករណីមិនចង់បន្សល់ដានឲ្យអ្នកដទៃដឹង។
យ៉ាងណាមិញ Kley Kley នឹងប្រាប់ពីវិធី១ផ្សេងទៀតងាយៗ ក្នុងការបើកមើលវិបសាយ នៅលើ Browser ដោយមិនចាំបាច់ខ្វល់ពីការបន្សល់ History ឡើយ។ វិធីនោះគឺការប្រើនូវប្រភេទ Browser ពិសេសម៉្យាងឈ្មោះ InBrowser។ លក្ខណៈពិសេសរបស់ InBrower មានដូចជា៖
មិនបន្សល់ទុកសោះឡើយនូវទិន្នន័យ (History, Cookies, Cached File....) ក្រោយពេលប្រើប្រាស់រួច
អាចឆែកមើលវិបសាយណាណាទាំងអស់តាមរយៈប្រព័ន្ធ Orbot បើទោះជាមានការហាមឃាត់ពីម្ចាស់ផ្គត់ផ្គង់ អ៊ីនធឺណិត (ISP) ឬក៏រដ្ឋាភិបាលក៏ដោយ
គ្មានផ្ទាំងពាណិជ្ជកម្មរញ៉េរញ៉ៃ
អ្នកផ្សេងមិនអាចដឹងប្រភព ឬទីតាំងដែលបានប្រើប្រាស់ InBrowser
កម្មវិធី InBrowser អាចទាញយកដោយឥតគិតថ្លៃ នៅលើ Play Store (សម្រាប់ Android) និង App Store (សម្រាប់ iOS)៕