ក្រុមហ៊ុនមួយ បើករោងចក្រផលិតសម្ភារៈបរិក្ខារកង់ និងម៉ូតូ នៅកម្ពុជា
- 2018-03-22 12:44:54
- ចំនួនមតិ 0 | ចំនួនចែករំលែក 0
ក្រុមហ៊ុនមួយ បើករោងចក្រផលិតសម្ភារៈបរិក្ខារកង់ និងម៉ូតូ នៅកម្ពុជា
ចន្លោះមិនឃើញ
ក្រុមប្រឹក្សាអភិវឌ្ឍន៍កម្ពុជា បានសម្រេចចេញវិញ្ញាបនបត្រចុះបញ្ជីជាស្ថាពរឲ្យក្រុមហ៊ុនវិនិយោគអន្តរជាតិថ្មីៗ ចំនួន ៥ មកបើករោងចក្រនៅកម្ពុជា ដែលក្នុងនោះក៏មានរោងចក្រផលិតសម្ភារៈបរិក្ខារកង់ និងម៉ូតូផងដែរ។
ក្រុមហ៊ុននោះ មានឈ្មោះថា Da Chao Shong Composites Technology Cambodia Co., Ltd។ ទីតាំងរោងចក្រផលិតសម្ភារៈបរិក្ខារកង់ និងម៉ូតូ របស់ក្រុមហ៊ុននេះ គឺស្ថិតនៅក្នុងតំបន់សេដ្ឋកិច្ចពិសេស តាយសេងបាវិត ខេត្តស្វាយរៀង។ ក្រុមហ៊ុននេះមានទុនប្រមាណជា ២,៣៨លានដុល្លារអាមេរិក ដើម្បីវិនិយោគរោងចក្រដែលអាចបង្កើតការងារបានចំនួន ១៥៧ កន្លែង។
ក្រុមហ៊ុន ADVANCE TEAM (CAMBODIA) CO.,LTD បើករោងចក្រផលិតស្បែកជើង មានទីតាំងស្ថិតនៅភូមិត្រពាំងឈើនាង ឃុំពើក ស្រុកអង្គស្នួល ខេត្តកណ្តាល។ ក្រុមហ៊ុនបានទុនវិនិយោគប្រមាណ ៤,៤៧លានដុល្លារ និងមានត្រូវកម្លាំងការងារចំនួន ១ ៥៧៥កន្លែង ។
ក្រុមហ៊ុន V.C.O.F.F APPAREL CO., LTD៖ គម្រោងបង្កើតរោងចក្រកាត់ដេរសម្លៀកបំពាក់ ដែលមានទីតាំងវិនិយោគស្ថិតនៅភូមិដំណាក់ត្រយឹង សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ។ ក្រុមហ៊ុននេះ មានទុនវិនិយោគប្រមាណ ៥,៧៧លានដុល្លារអាមេរិក និងអាចបង្កើតការងារបានចំនួន ៣៨២៦ កន្លែង។
ក្រុមហ៊ុន Bai Hong Cambo Co., Ltd៖ គម្រោងបង្កើតរោងចក្រផលិតអំពូលភ្លើងលម្អ ខ្សែភ្លើង និងកេសកាតុង ដែលមានទីតាំងវិនិយោគស្ថិតនៅក្នុងតំបន់សេដ្ឋកិច្ចពិសេសស្វាយរៀងហ្គីហ្គា រីសស៍ ខេត្តស្វាយរៀង។ ក្រុមហ៊ុននេះ មានទុនវិនិយោគចំនួន ២លានដុល្លារអាមេរិក និងអាចបង្កើតការងារបានចំនួន ៣២៣កន្លែង។
ក្រុមហ៊ុន WON FULL ENTERPRISE CO., LTD៖ គម្រោងបង្កើតរោងចក្រផលិតអំពូលភ្លើងលម្អ តែមផ្លាស្ទិក និងសម្ភារៈវេចខ្ចប់គ្រប់ប្រភេទ ដែល មានទីតាំងវិនិយោគស្ថិតនៅក្នុងតំបន់សេដ្ឋកិច្ចពិសេសស្វាយរៀងហ្គីហ្គា រីសស៍ ខេត្តស្វាយរៀង។ ក្រុមហ៊ុននេះ មានទុនវិនិយោគចំនួន ៤,៥លានដុល្លារអាមេរិក និងអាចបង្កើតការងារបានចំនួន ៣៤៣កន្លែង៕
អត្ថបទទាក់ទង៖
---> Sabay ត្រូវការរើស Marketing Consultant។ បើមានចំណាប់អារម្មណ៍ដាក់ CV មក hr@sabay.com ឬចូលទៅកាន់ https://goo.gl/j3UhbY