អាមេរិក និងចិន ឡើងកម្ដៅកាន់តែខ្លាំងឡើងលើវិស័យពាណិជ្ជកម្ម

2018-03-23 01:40:03
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

រដ្ឋបាល ដូណាល់ ត្រាំ កាលពីថ្ងៃទី២២ មីនា ម្សិលមិញ បានសម្រេចដាក់ទណ្ឌកម្មពាណិជ្ជកម្មលើប្រទេសចិន ដែលក្នុងនោះ រួមមានទាំងការរឹតបន្ដឹងលើការវិនិយោគ និងពន្ធលើទំនិញដែលមានទំហំទឹកប្រាក់រហូតដល់ ៦០ពាន់លានដុល្លារ។

វិធានការថ្មីនេះ គឺក្រោយរដ្ឋាភិបាលក្រុងវ៉ាស៊ីនតោនបានរកឃើញថា រដ្ឋាភិបាលក្រុងប៉េកាំងបានគាំទ្រដល់ការលួចកម្មសិទ្ធិបញ្ញារបស់ក្រុមហ៊ុនអាមេរិក ហើយមិនបានធ្វើការកែប្រែនោះទេ ទោះមានការជជែកពិភាក្សាគ្នាអស់រយៈពេលជាច្រើនឆ្នាំ កន្លងមកហើយ។

ក្រោយការប្រកាសទណ្ឌកម្មរបស់អាមេរិក ក្រុងប៉េកាំងក៏បានរៀបចំប្រកាសការដំឡើងពន្ធនាំចូលលើទំនិញរបស់អាមេរិកវិញផងដែរ។ ក្នុងនោះ ចិនគ្រោងប្រកាសដំឡើងពន្ធលើការនាំចូលសាច់ជ្រូក និងបំពង់អាលុយមីញ៉ូមរបស់អាមេរិក ឲ្យដល់កម្រិតខ្ពស់ខ្លាំង ដែលមិនធ្លាប់មានពីមុនមក៕

ប្រភព៖ theguardian ប្រែសម្រួល៖ វាសនា