អ្នកវិទ្យាសាស្ត្របកស្រាយអាថ៌កំបាំងគ្រោងឆ្អឹង ដែលដូចមនុស្សភពក្រៅ

2018-03-23 08:58:31
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

គ្រោងឆ្អឹងតូចបំផុតមួយប្រវែង ១៥ សង់ទីម៉ែត្រ ត្រូវបានរកឃើញដោយអ្នកវិទ្យាសាស្ត្រកាលពីឆ្នាំ ២០០៣ ក្នុងទីក្រុង Atacama ប្រទេសស៊ីលី។ អ្នកវិទ្យាសាស្ត្រ គិតថា វាជាឆ្អឹងរបស់មនុស្សភពក្រៅ (Alien) ប៉ុន្តែការពិត មិនដូច្នោះទេ។

តាមរយៈការសិក្សា DNA ថ្មីមួយដែលធ្វើឡើងនៅសាកលវិទ្យាល័យកាលីហ្វញ៉ា សាន់ហ្វ្រាន់ស៊ីស្កូ និងស្ទែនហ្វដ បង្ហាញថា គ្រោងឆ្អឹងនេះ គឺជារបស់ក្មេងស្រីដែលបានស្លាប់កាលពី ៤០ឆ្នាំមុនប៉ុណ្ណោះ។ លើសពីនេះទៀត រូបរាងដ៏តូចរបស់នាង គឺដោយសារតែជំងឺក្រិន និងភាពមិនប្រក្រតីនៃការលូតលាស់ឆ្អឹង រួមទាំងជំងឺផ្សេងៗទៀត។

អ្នកវិទ្យាសាស្ត្រម្នាក់ឈ្មោះ Garry Nolan និយាយថា ការស្រាវជ្រាវប៉ុន្មានឆ្នាំមកនេះ មិនអត់ប្រយោជន៍ទេ។ លោកគិតថា អ្នកវិទ្យាសាស្ត្រ អាចសិក្សាពីហ្សែនរបស់ក្មេងស្រីនោះ និងរកវិធីទប់ស្កាត់បញ្ហានៃការលូតលាស់ឆ្អឹង ដើម្បីបង្ការកុំឲ្យបញ្ហានេះកើតឡើងម្ដងទៀតនៅថ្ងៃខាងមុខ៕