ចិន ត្រៀមធ្វើសមយុទ្ធយោធា នៅក្នុងសមុទ្រចិនខាងត្បូង

2018-03-23 10:13:45
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

កងទ័ពជើងទឹកចិន នឹងធ្វើសមយុទ្ធយោធាប្រយុទ្ធក្នុងសមុទ្រចិនខាងត្បូងនាពេលឆាប់ៗខាងមុខ។ នេះបើតាមការបញ្ជាក់របស់កាសែតផ្លូវការរបស់យោធាចិន ដែលបានចេញនៅថ្ងៃសុក្រទី ២៣ មីនានេះ។

នៅក្នុងរបាយការណ៍ខ្លីនៅលើគណនីWeChat កាសែត People’s Liberation Army Daily បានបញ្ជាក់ថា សមយុទ្ធយោធានេះ គ្រោងនឹងត្រូវធ្វើនាពេលឆាប់ៗខាងមុខ។ តែមិនទាន់បានបញ្ជាក់ពីព័ត៌មានជាក់លាក់អំពី ពេលវេលា ទីកន្លែង ឬនាវាចម្បាំងនៅឡើយទេ។

របាយការណ៍ដដែលនេះ បានបន្តទៀតថា "នេះគឺជាសមយុទ្ធធម្មតាតាមទម្លាប់សម្រាប់យោធាជើងទឹកចិន រីឯគោលបំណងគឺដើម្បីសាកល្បង និងបង្កើនកម្រិតហ្វឹកហ្វឺនយោធាតែប៉ុណ្ណោះ។ ម្យ៉ាងវិញទៀត ការធ្វើសមយុទ្ធនេះ ធ្វើឡើងមិនមានបំណងទៅលើប្រទេសណាមួយនោះទេ។"

គូសបញ្ជាក់ថា កងទ័ពជើងទឹក និងជើងអាកាសចិន ជារឿយៗធ្វើសមយុទ្ធក្នុងសមុទ្រចិនខាងត្បូង ដែលជាតំបន់រដ្ឋាភិបាលចិនបានសាងសង់កោះសិប្បនិម្មិត និងបង្កើតមូលដ្ឋានទ័ពទៀតផង៕