កម្ពុជា នឹងមានស្ថានីយតាមដានការរញ្ជួយដី ចំនួន៤

2018-03-24 02:44:32
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

រដ្ឋាភិបាលចិន នឹងជួយកម្ពុជា ក្នុងការដំឡើងស្ថានីយតាមដានការរញ្ជួយដី ចំនួន ៤កន្លែង រួមទាំងធ្វើការបណ្ដុះបណ្ដាលមន្ត្រីកម្ពុជា ផងដែរ។ នេះជាការបញ្ជាក់ ក្នុងជំនួបពិភាក្សាការងារអំពីកិច្ចសហប្រតិបត្តិការដំឡើងស្ថានីយតាមដានការរញ្ជួយដីនៅកម្ពុជា ជាមួយគណៈប្រតិភូចិន។

ជំនួបពិភាក្សាការងារអំពីកិច្ចសហប្រតិបត្តិការដំឡើងស្ថានីយតាមដានការរញ្ជួយដីនៅកម្ពុជា ជាមួយគណៈប្រតិភូចិន

នាយកដ្ឋានភូគព្ភសាស្ត្រ និងក្រុមការងារជំនាញនៃក្រុមការងារក្រសួងរ៉ែ និងថាមពល បានជួបពិភាក្សាការងារជាមួយអង្គភាពតាមដានការរញ្ជួយដីនៃប្រទេសចិន (China Earthquake Administration-CEA) កាលពីថ្ងៃទី២០-២២ ខែមីនា ឆ្នាំ២០១៨។

ក្នុងជំនួបពិភាក្សាការងារកម្រិតបច្ចេកទេសនេះ មន្ត្រីជំនាញបានពិភាក្សាផ្តោតលើការងារ មានដូចខាងក្រោម៖

១- ពិនិត្យលើលទ្ធភាពចុះអនុស្សរណៈយោគយល់គ្នារវាងក្រសួងរ៉ែ និងថាមពល និងអង្គភាពតាមដានការរញ្ជួយដីនៃប្រទេសចិន ដើម្បីដាក់ជូនថ្នាក់ដឹកនាំនៃស្ថាប័នទាំងពីរពិនិត្យ និងសម្រេច។ តាមរយៈកិច្ចសហប្រតិបត្តិការនេះ ភាគីចិននឹងជួយដំឡើងស្ថានីយ៍តាមដានការរញ្ជួយដីជូនភាគីកម្ពុជាចំនួន០៤ និងមជ្ឈមណ្ឌលវិភាគទិន្នន័យរញ្ជួយដីនៅកម្ពុជា និងក្នុងតំបន់។

២- ទស្សនកិច្ចនេះ បានពិនិត្យឧបករណ៍តាមដានការរញ្ជួយដីដែលមានស្រាប់នៅមន្ទីររ៉ែ និងថាមពលខេត្តសៀមរាប។

បច្ចុប្បន្ន CEA បានសហការជាមួយប្រទេសឡាវ មីយ៉ាន់ម៉ា ឥណ្ឌូណេស៊ី និងម៉ាឡេស៊ី ក្នុងការជួយពង្រឹងសមត្ថភាពរបស់ប្រទេសទាំងនោះក្នុងការតាមដានការរញ្ជួយដី និងកំពុងប្រតិបត្តិតាមដានការរញ្ជួយដីនៅស្ថានីយជាង១៨០០ ក្នុងពិភពលោក៕

អត្ថបទ៖ លាភ.