ត្រីបាឡែនជាង១៤០ក្បាល ងាប់នៅឆ្នេរ ប្រទេសអូស្ត្រាលី

2018-03-24 06:43:13
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ត្រីបាឡែនជាង ១៤០ក្បាល បានហែលមកទើរនៅលើឆ្នេរមួយ ភាគខាងលិច ប្រទេសអូស្ត្រាលី បណ្ដាលឲ្យងាប់ ទោះបីជាអាជ្ញាធរ និងភ្ញៀវទេសចរដែលនៅទីនោះ ខិតខំជួយអូសទាញចូលទឹកវិញយ៉ាងណាក៏ដោយ។ នេះជាការបញ្ជាក់របស់មន្ត្រីអូស្ត្រាលី នៅថ្ងៃសៅរ៍ ទី២៤ ខែមីនា ឆ្នាំ២០១៨នេះ។

ត្រីបាឡែន ងាប់នៅឆ្នេរ Hamelin ប្រទេសអូស្ត្រាលី

ថនិកសត្វក្នុងទឹកខាងលើ បានជាប់នៅឆ្នេរ Hamelin ដែលមានចម្ងាយប្រហែល ៣១៥គីឡូម៉ែត្រពីក្រុង Perth ចន្លោះពីថ្ងៃទី២២-២៣ ខែមីនា។ យ៉ាងណាមិញ អាជ្ញាធរអាចជួយសង្គ្រោះត្រីបាឡែនបានចំនួន ១៥ក្បាល ឲ្យវិលចូលទៅក្នុងវិញ។

ត្រីបាឡែនទាំងនេះ មានទម្ងន់ចន្លោះពី ១ ទៅ ៤ តោនក្នុង១ក្បាល ដែលបង្កការលំបាកសម្រាប់ក្រុមអ្នកសង្គ្រោះ ក្នុងការទាញចូលក្នុងទឹក។

ត្រីបាឡែន ងាប់នៅឆ្នេរ Hamelin ប្រទេសអូស្ត្រាលី

សូមបញ្ជាក់ថា កាលពីឆ្នាំ១០០៦ ត្រីបាឡែនជាង ៣២០ក្បាល បានងាប់នៅឆ្នេរនេះដូចគ្នា។ ហេតុការណ៍នោះ បានធ្វើឲ្យអាជ្ញាធរបិទឆ្នេរ មិនឲ្យភ្ញៀវទេសចរចូលកម្សាន្តឡើយ ដើម្បីកម្ទេចសាកសពរបស់ត្រីបាឡែនទាំងនោះ៕

ប្រភព៖ Channelnewsasia ប្រែសម្រួល៖ លាភ.