រឿងរ៉ាវរបស់អតីតភ្នាក់ងារចារកម្មអង់គ្លេសដែលត្រូវគេដាក់ថ្នាំពុល ត្រូវបានលាតត្រដាង

2018-03-24 07:55:59
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

បុរសម្នាក់ដែលត្រូវជាមិត្តភ័ក្ដិជិតស្និតរបស់ភ្នាក់ងារចារកម្មអង់គ្លេស និងរុស្ស៊ី លោក Sergei Skripal ដែលត្រូវគេសម្លាប់ដោយដាក់ថ្នាំបំពុល បានបង្ហើបពីរឿងរ៉ាវរបស់លោក Skripal ទៅកាន់សារព័ត៌មាន BBC កាលពីពេលថ្មីៗនេះ។

លោក Sergei Skripal និងកូនស្រី ដែលត្រូវគេដាក់ថ្នាំបំពុល

លោក Vladimir Timoshkov អតីតភ្នាក់ងារចារកម្មរុស្ស៊ី បាននិយាយថា លោក Skripal ត្រូវគេចោទប្រកាន់ថាជាជនក្បត់ជាតិ ដែលលោកទៅធ្វើជាភ្នាក់ងារចារកម្មរបស់អង់គ្លេស។ លោក Timoshkov បន្តថា លោក Skripal បានបដិសេធថា ខ្លួនមិនមែនជាជនក្បត់ជាតិឡើយ ព្រោះលោកធ្លាប់ស្បថស្បែចំពោះសហភាពសូវៀត មិនមែនរុស្ស៊ីឡើយ។ លើសពីនេះ Skripal ក៏បានសរសេរលិខិតមួយ ដើម្បីសុំការអនុញ្ញាតពីលោកប្រធានាធិបតីរុស្ស៊ី វ្ល៉ាឌឺមៀ ពូទីន ឲ្យគាត់វិលចូលទៅកាន់ប្រទេសរុស្ស៊ីវិញ ដើម្បីជួបជុំគ្រួសារញាតិមិត្តរបស់គាត់ផងដែរ។ ក៏ប៉ុន្តែ រុស្ស៊ីបានបដិសេធ ថាមិនបានទទួលលិខិតរបស់លោក Skripal ឡើយ។

លោកប្រធានាធិបតីរុស្ស៊ី វ្ល៉ាឌឺមៀ ពូទីន

សូមបញ្ជាក់ថា លោក Sergei Skripal ជាភ្នាក់ងារចារកម្មរុស្ស៊ី និងអង់គ្លេស កាលពីទសវត្សរ៍ ១៩៩០ និងដើមទសវត្សរ៍ ២០០០ ។ លោក និងកូនស្រីម្នាក់ ត្រូវបានគេធ្វើឃាត ដោយដាក់ថ្នាំបំពុល កាលពីដើមខែមីនា ឆ្នាំ២០១៨នេះ។ យោងតាមមូលដ្ឋានស្រាវជ្រាវយោធាអង់គ្លេស ឈ្មោះ Porton Down បានអះអាងថា ភ្នាក់ងារចារកម្មរុស្ស៊ី ដែលគេស្គាល់ថា Novichok គឺជាក្រុមដែលបានធ្វើសកម្មភាពសម្លាប់លោក Skripal ។

មូលដ្ឋានស្រាវជ្រាវយោធាអង់គ្លេស Porton Down

ពាក់ព័ន្ធនឹងការចោទប្រកាន់នេះ រុស្ស៊ីបានច្រានចោល ដែលធ្វើឲ្យអង់គ្លេស សម្រេចបណ្ដេញមន្ត្រីទូតរុស្ស៊ី ចំនួន ២៣នាក់ មុនពេលដែលរុស្ស៊ីធ្វើការបណ្ដេញមន្ត្រីទូតអង់គ្លេស ២៣នាក់វិញ នៅប៉ុន្មានថ្ងៃបន្ទាប់។ ចំណែក សហភាពអឺរ៉ុប បានគាំទ្រជំហររបស់អង់គ្លេស៕

អត្ថបទពាក់ព័ន្ធ