វិធីផលិតសាប៊ូលាងចានរបស់សិប្បកម្ម១កន្លែង ក្នុងខេត្តតាកែវ
- 2018-03-25 07:37:01
- ចំនួនមតិ 0 | ចំនួនចែករំលែក 0
វិធីផលិតសាប៊ូលាងចានរបស់សិប្បកម្ម១កន្លែង ក្នុងខេត្តតាកែវ
ចន្លោះមិនឃើញ
ក្រុមការងារផ្លូវទៅស្រុកវគ្គ២ សូមបង្ហាញមុខរបរ១ ដែលជាស្នាដៃកូនខ្មែរ ផលិតសាប៊ូលាងចាន កំពុងទទួលបានការគាំទ្រច្រើននៅខេត្តតាកែវ។ ដូច្នេះ ចង់ដឹងថា ធាតុផ្សំនៃការធ្វើសាប៊ូលាងចាន ដូចម្ដេច សុំអានអត្ថបទ ខាងក្រោមនេះ៖
១. អ្នកស្រី ណឹម ពេជ្រ អាយុ ២៨ឆ្នាំ ជាម្ចាស់សិប្បកម្មសាប៊ូលាងចាង ម៉ាក លេម៉ុន។ អ្នកស្រី ចាប់ផ្តើមផលិតសាប៊ូលាងចាន ដំបូងនៅឆ្នាំ២០១៦ គឺក្រោយពេលដែលអ្នកស្រីត្រឡប់មកពីប្រទេសថៃវិញ។ នៅឆ្នាំ២០១៧ អ្នកស្រីបានចុះបញ្ជីសិប្បកម្មរបស់ខ្លួន ដើម្បីធ្វើអាជីវកម្មស្របច្បាប់។
២. វត្ថុធាតុដើមសំខាន់ៗដើម្បីផលិតទឹកសាប៊ូលាងចានមានដូចជា ៖ ក្រូចឆ្មារ អំបិល ស្ករ ល័ក្ខណ៍ និង មេសាប៊ូ N70 និងទឹក។ ដំណាក់កាលដំបូង គេត្រូវត្រាំចំណិតក្រូចឆ្មារ ក្នុងទឹកដែលមានលាយស្ករក្នុងបរិមាណកំណត់មួយ រយៈពេល១ខែ។
៣. អ្នកស្រី ណឹម ពេជ្រ កំពុងច្រោះទឹកក្រូចឆ្មារ ដោយយកចំណិតក្រូចដែលរលួយៗចេញ ក្រោយពេលត្រាំបាន ៣០ថ្ងៃ។ បន្ទាប់មក គេត្រូវយកទឹកក្រូចឆ្មារនោះទៅលាយនឹងមេសាប៊ូ N70 អំបិល និងល័ក្ខណ៍ ហើយក្រឡុកឲ្យសព្វជាការស្រេច។
៤. នៅក្នុងរោងសិប្បកម្មរបស់ខ្លួន អ្នកស្រី ណឹម ពេជ្រ កំពុងច្រកទឹកសាប៊ូលាងចានដាក់ដប។ ការច្រកដបនេះ ធ្វើឡើងទៅតាមតម្រូវការទីផ្សារ និងអតិថិជន។ ភាគច្រើនអ្នកស្រី ពេជ្រ ច្រកជាប៊ីដុង និងដឹកជញ្ជូនទៅឲ្យអតិថិជនដល់កន្លែងតែម្តង។
៥. ទឹកសាប៊ូលាងចាន របស់អ្នកស្រី ណឹម ពេជ្រ មាន២ប្រភេទ។ ទឹកសាប៊ូនេះ កំពុងដណ្តើមទីផ្សារនៅខេត្តតាកែវ និងនៅរាជធានីភ្នំពេញ៕