AFC Asian Cup៖ កម្ពុជា ឈរនៅបាតតារាងក្នុងពូល ក្រោយចាញ់អាហ្វហ្គានីស្ថាន

2018-03-27 13:01:05
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រុមបាល់ទាត់ជម្រើសជាតិកម្ពុជា បានប្រកួតចាញ់ក្រុមបាល់ទាត់ជម្រើសជាតិអាហ្វហ្គានីស្ថាន ដោយលទ្ធផល ២-១ ក្នុងការប្រកួតចុងក្រោយ នៃវគ្គជម្រុះជុំទី៣ ពានរង្វាន់ទ្វីបអាស៊ី AFC Asian Cup 2019 ពូល C នាយប់ថ្ងៃទី២៧ ខែមីនានេះ។

នៅក្នុងការប្រកួតដែលធ្វើឡើងនៅប្រទេសតាជីគីស្ថាននោះ (ទឹកដីកណ្ដាល) ក្រុមអាហ្វហ្គានីស្ថាន បានស៊ុតនាំមុខក្រុមកម្ពុជា ២គ្រាប់នៅតង់ទី១ ប៉ុន្តែកម្ពុជា អាចវាយបកវិញបាន១គ្រាប់ ដោយខ្សែប្រយុទ្ធជើងចាស់ ឃួន ឡាបូរ៉ាវី។

ជម្រើស១១នាក់ដំបូងរបស់កម្ពុជា (រូបភាព៖ សហព័ន្ធកីឡាបាល់ទាត់កម្ពុជា)

លទ្ធផលនេះ ធ្វើឲ្យអាហ្វហ្គានីស្ថាន បញ្ចប់វគ្គជម្រុះ ដោយឈរលេខ ៣ ក្នុងពូលដែលមាន ៤ក្រុម ក្រោយរកបាន ៦ពិន្ទុ ក្នុង ៦ប្រកួត (ឈ្នះ១ ស្មើ៣ ចាញ់២) ខណៈកម្ពុជា ឈរនៅបាតពូល ដោយរកបានតែ ៣ពិន្ទុប៉ុណ្ណោះ ក្នុង ៦ប្រកួត (ឈ្នះ១ ចាញ់៥)។ ពីរក្រុមផ្សេងទៀត ក្នុងពូលនេះ គឺហ្សកដានី និងវៀតណាម បានជាប់ដោយស្វ័យប្រវត្តិដូចគ្នា តែត្រូវប៉ះគ្នាយប់នេះ ដើម្បីរកក្រុមដែលឈរកំពូលតារាង៕

អត្ថបទ៖ សុខ សុវត្ថិ