លោក Duterte បើកយុទ្ធនាការថ្មី១ទៀត នៅហ្វីលីពីន

2018-03-29 01:52:34
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោកប្រធានាធិបតី Rodrigo Duterte បានបញ្ជាឲ្យប៉ូលិសហ្វីលីពីន ធ្វើការឃាត់ខ្លួនជនទាំងឡាយណា ដែលផលិតឱសថក្លែងក្លាយ ដែលកំពុងត្រូវបានចែកចាយនៅក្នុងប្រទេសហ្វីលីពីន។ នេះជាការបញ្ជាក់របស់មេធាវីប្រធានាធិបតី លោក Salvador Panelo កាលពីថ្ងៃទី២៨ ខែមីនា ឆ្នាំ២០១៨។

លោក Salvador Panelo បានបញ្ជាក់ថា បញ្ហាឱកាសក្លែងក្លាយបានបំផ្លាញសេដ្ឋកិច្ចរបស់ហ្វីលីពីន និងគំរាមកំហែងសុខភាពរបស់ប្រជាពលរដ្ឋហ្វីលីពីន។ លោកបន្តថា ថ្នាំពេទ្យទាំងនេះ អាចធ្វើឲ្យសារពាង្គកាយរបស់អ្នកប្រើប្រាស់ បង្កើតភាពស៊ាំ ដែលអាចបង្កផលអវិជ្ជមាននៅពេលអនាគត។

ពាក់ព័ន្ធនឹងបញ្ហានេះ អង្គការសុខភាពពិភពលោក (WTO) កាលពីខែមករាឆ្នាំ២០១៨ បានឲ្យដឹងថា ការធ្វើអាជីវកម្មឱសថក្លែងក្លាយ មានអត្រាជាង ១០% នៃឧស្សាហកម្មសាកលលោកដែលមានទឹកប្រាក់សរុប ៣០០ពាន់លានដុល្លារ។ ផលិតផលថ្នាំពេទ្យ ១ ក្នុងចំណោម ១០ នៅប្រទេសដែលមានចំណូលកម្រិតទាបនិងមធ្យម គឺជាឱសថក្លែងក្លាយ៕

ប្រភព៖ Channelnewsasia ប្រែសម្រួល៖ លាភ.