កីឡាករខ្មែរ ៤រូប កំពុងល្បីល្បាញ ក្រោយបង្ហាញសមត្ថភាពយ៉ាងល្អនៅថៃ
- 2018-03-29 08:05:32
- ចំនួនមតិ 0 | ចំនួនចែករំលែក 0
កីឡាករខ្មែរ ៤រូប កំពុងល្បីល្បាញ ក្រោយបង្ហាញសមត្ថភាពយ៉ាងល្អនៅថៃ
ចន្លោះមិនឃើញ
អ្នកលេងគុនខ្មែរ ៤ រូប កំពុងមានភាពល្បីល្បាញនៅលើទឹកដីកម្ពុជា។ ដើមហេតុដែលធ្វើឲ្យកីឡាករទាំងនេះមានភាពលេចធ្លោ គឺក្រោយពេលយកឈ្នះកីឡាករថៃជាច្រើន នៅលើសង្វៀន ក្នុងទឹកដីថៃ។
១- ធឿន ធារ៉ា
អ្នកប្រដាល់ដែលមានប្រភពមកពីខេត្តព្រៃវែងរូបនេះ ត្រូវបានគេដឹងថា ចាប់ផ្ដើមល្បីខ្លាំង នៅពេលគេយកឈ្នះដៃគូខ្លាំងៗ នៅលើទឹកដីថៃជាច្រើនលើក។ ធារ៉ា បានប្រលូកលើសង្វៀន Max Muay Thai ខ្ទង់ប្រមាណ ១០ លើកសរុបទាំងការប្រកួតកាលពីចុងសប្ដាហ៍មុននេះ។ ក្នុងស្ថិតិនៅ Max Muay Thai ធារ៉ា ឈ្នះ៨ ស្មើ១ និងចាញ១ លើក។
២- សុខ ធី (កាកា)
បច្ចុប្បន្នអ្នកប្រដាល់វ័យ ១៩ ឆ្នាំរូបនេះ កំពុងប្រកួតក្នុងកម្មវិធីដណ្ដើមខ្សែក្រវាត់គូបូតា នៅសង្វៀនបាយ័ន។ អ្នកប្រដាល់រូបនេះចាប់ផ្ដើមល្បីឈ្មោះខ្លាំងនៅកម្ពុជា ក្រោយពេលលេចមុខនៅសង្វៀនលើទឹកដីថៃ ជាច្រើនលើក។ អ្វីដែលជាដើមហេតុ ធ្វើឲ្យកីឡាកររូបនេះអាចឡើងសង្វៀននៅលើទឹកដីថៃច្រើន និងធ្វើបានល្អ គឺដោយសារតែ កាកា បានទៅហ្វឹកហាត់នៅក្លឹបមួយក្នុងទឹកដីថៃកាលនៅវ័យ ៨ ឬ ៩ ឆ្នាំ។
៣- សុខ រិទ្ធ
អ្នកប្រដាល់រូបនេះ គឺជាបងប្រុសបង្កើតរបស់ សុខ ធី។ សុខ រិទ្ធ ហាក់មានកម្រិតសមត្ថភាពមិនល្អខ្លាំងដូចប្អូនប្រុសឡើយ ប៉ុន្តែក៏មានកម្រិតខ្ពស់មួយ បើធៀបទៅនឹងកីឡាករកម្ពុជាផ្សេងៗក្នុងប្រភេទទម្ងន់ ៥២គីឡូក្រាម។ សុខ រិទ្ធ ចាប់ផ្ដើមលេចឈ្មោះបោះសំឡេង ក្រោយពេលបានប្រឡូកក្នុងសង្វៀននៅលើទឹកដីថៃ។
៤- ម៉ឺន ដា
ជើងខ្លាំងរូបនេះធ្លាប់ឈ្នះខ្សែក្រវាត់នៅសង្វៀន Max Muay Thai ទៀតផង។ ប៉ុន្តែកាលពីពេលថ្មីៗនេះ ម៉ឺន ដា ត្រូវបានសារព័ត៌មានមួយផ្សាយថា ការទៅប្រកួតនៅលើទឹកដីថៃរបស់អ្នកប្រដាល់កម្ពុជារូបនេះ មិនបានសុំការអនុញ្ញាតពីម្ចាស់ក្លឹប៕