Man City ជាប់កំណត់ត្រាដ៏អាក្រក់ លើចំនួនអ្នកចូលទស្សនា ក្នុងរដូវកាលនេះ

2018-03-31 02:06:24
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រុមមេឃខៀវ Manchester City ដែលជាបេក្ខភាពគ្រងជើងឯកលីគកំពូលអង់គ្លេស EPL រដូវកាលនេះ បានបង្កើតកំណត់ត្រាដ៏អាក្រក់មួយ ដោយជាមធ្យម កៅអីសម្រាប់អ្នកគាំទ្រក្រុមនេះ តែងតែទុកឲ្យនៅសល់ចន្លោះល្ហល្ហេវ ជិត ១ម៉ឺនកៅអី រៀងរាល់ការប្រកួតនៅកីឡដ្ឋាន Etihad ។ កីឡដ្ឋាននេះជាទូទៅ អាចផ្ទុកអ្នកទស្សនា បានជាង ៥ម៉ឺននាក់។

Man City ប៉ះ Southampton កាលពីខែវិច្ឆិកាកន្លងទៅ

តួលេខខាងលើ ត្រូវបានបង្ហាញដោយប៉ូលិស និងសារព័ត៌មាន The Sun ដែលមានចំនួនអ្នកទស្សនាជាមធ្យម ៤៦០០០នាក់។ យ៉ាងណាក៏ដោយ ក្លឹប Man City បានបង្ហាញថា តួលេខច្រើនបំផុតគឺ ៥៤០០០នាក់ ក្នុងរដូវកាលនេះ។

ក្នុងការប្រកួតជាមួយ Southampton កាលពីខែវិច្ឆិកា កន្លងទៅ អ្នកចូលទស្សនាមានត្រឹមតែជាង ៣៨០០០នាក់ប៉ុណ្ណោះ។ ក៏ប៉ុន្តែតួលេខនេះ គឺច្រើនជាងតួលេខ កាលពីរដូវកាលកន្លងទៅ ដែលមានអ្នកចូលទស្សនាតែជាង ២៨០០០នាក់ប៉ុណ្ណោះ ពេល Man City ប៉ះ Stoke City ។

តួលេខរបស់ប៉ូលិស

តួលេខរបស់ Man City

សូមបញ្ជាក់ថា Man City កំពុងនាំមុខគេក្នុងតារាង ដោយឈរនៅលេខ១ មាន ៨១ពិន្ទុ គិតត្រឹមសប្ដាហ៍ទី៣០។ ចំណែក Manchester United ដែលស្ថិតនៅលេខ២ មានត្រឹមតែ ៦៥ពិន្ទុប៉ុណ្ណោះ៕

ប្រភព៖ The Sun ប្រែសម្រួល៖ លាភ.