ម្ចាស់ពានលំដាប់កំពូលទ្វីបអឺរ៉ុប ៥សម័យកាល លត់ក្រុមខ្លាំង Man City ចាស់ដៃ
- 2018-04-04 23:06:34
- ចំនួនមតិ 0 | ចំនួនចែករំលែក 0
ម្ចាស់ពានលំដាប់កំពូលទ្វីបអឺរ៉ុប ៥សម័យកាល លត់ក្រុមខ្លាំង Man City ចាស់ដៃ
ចន្លោះមិនឃើញ
ក្លឹបហង្សក្រហម Liverpool បានប្រើពេលត្រឹមតែ ១៩នាទីក្នុងវគ្គទី១ ដើម្បីស្វែករកចំនួន ៣គ្រាប់ នាំមុខទៅលើក្រុមភ្ញៀវ Manchester City ក្នុងការប្រកួតជើងទី១ វគ្គ ៨ក្រុមចុងក្រោយ ពានរង្វាន់ UEFA Champions League នៅកីឡដ្ឋាន Anfield កាលពីយប់មិញ។
ម្ចាស់ផ្ទះ រកបានពីកីឡាករជើងស៊ុត Mohamed Salah នៅក្នុងនាទី១២ និង គ្រាប់បន្ទាប់ពី Oxlade-Chamberlain ដោយស៊ុតពីចម្ងាយ នៅនាទី២១។ ចូលដល់នាទី៣១ Salah នៅតែល្អ ដោយបញ្ជូនបាល់ឲ្យ Sadio Mane តែតបញ្ចូលទីបន្ថែមគ្រាប់ទី៣ បានសម្រេច។ បញ្ចប់ការប្រកួត Liverpool យកឈ្នះ Man City ដោយលទ្ធផល ៣-០។
លទ្ធផលនេះ គឺជារឿងដ៏គួរឲ្យភ្ញាក់ផ្អើល ព្រោះ Manchester City ជាក្រុមខ្លាំងនៅក្របខ័ណ្ឌ English Premier League តែបែរជាត្រូវទទួលបរាជ័យក្រោមថ្វីជើង Liverpool ដែលជាម្ចាស់ជើងឯកពានរង្វាន់លំដាប់កំពូលទ្វីបអឺរ៉ុបនេះ ចំនួន ៥លើក និងកំពុងឈរនៅលេខ៣ នៅ Premier League តាមពីក្រោយ Man City រហូតដល់១៨ពិន្ទុឯណោះ។
សូមជម្រាបថា ការប្រកួតជើងទី២ ត្រូវធ្វើឡើងនៅថ្ងៃទី១១ ខែមេសា ឆ្នាំ២០១៨ នៅទឹកដី Etihad របស់ Man City ៕