អ្នកគាំទ្រហង្សក្រហម បង្កការគំរាមកំហែងដាក់ Man City មុនជ័យជម្នះរបស់ Liverpool
- 2018-04-05 02:17:35
- ចំនួនមតិ 0 | ចំនួនចែករំលែក 0
អ្នកគាំទ្រហង្សក្រហម បង្កការគំរាមកំហែងដាក់ Man City មុនជ័យជម្នះរបស់ Liverpool
ចន្លោះមិនឃើញ
អ្នកគាំទ្រក្រុមហង្សក្រហម Liverpool បានគប់ដបទឹក និងកាំជ្រួច (Flare) ដាក់រថយន្តដែលកំពុងដឹកសមាជិកក្រុម Manchester City មុនការប្រកួតដែលក្រុមម្ចាស់ផ្ទះ Liverpool យកឈ្នះ ដោយលទ្ធផល ៣-០ ក្នុងជើងទី១ វគ្គ ៨ក្រុមចុងក្រោយ ពានរង្វាន់ UEFA Champions League នៅកីឡដ្ឋាន Anfield កាលពីយប់មិញ។
ទង្វើនេះ បង្កការការខូចខាតដល់រថយន្តរបស់ Man City តែមិនបានបង្កឲ្យមានរបួសស្នាមឡើយ។ ជុំវិញបញ្ហានេះ ថ្នាក់ដឹកនាំ Liverpool បានចេញមកធ្វើការសុំទោសចំពោះ Man City ផងដែរ។ ជាមួយគ្នានេះ Liverpool នឹងចាត់វិធានការយ៉ាងតឹងរ៉ឹង ចំពោះក្រុមបង្ក។
មុនហេតុការណ៍ខាងលើ ក្លឹបធ្លាប់បានធ្វើការព្រមានម្ដងរួចទៅហើយ ព្រោះសកម្មភាពនេះធ្លាប់កើតមានកាលពីឆ្នាំ២០១៦ នៅពេលដែលអ្នកគាំទ្រហង្សក្រហម គប់កាំជ្រួច និងគ្រាប់បែកផ្សែង ទៅលើរថយន្តសមាជិកក្លឹប Villarreal ៕
ចុចអានបន្ត ម្ចាស់ពានលំដាប់កំពូលទ្វីបអឺរ៉ុប ៥សម័យកាល លត់ក្រុមខ្លាំង Man City ចាស់ដៃ