សម្តេច ទៀ បាញ់ ចង់ជួបលោក លី យ៉ុងផាត់ ស្នើបញ្ចុះតម្លៃអគ្គិសនី-ទឹកនៅខេត្ត១

2018-04-05 23:23:38
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

សម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ បានប្រកាសថា សម្ដេចមានបំណងចង់ជួបពិភាក្សាជាមួយលោក លី យ៉ុងផាត់ ប្រធានក្រុមហ៊ុន LYP ដើម្បីឲ្យជួយបញ្ចុះតម្លៃអគ្គិសនី និងតម្លៃទឹក នៅក្នុងខេត្តកោះកុង។ ប៉ុន្តែការស្វែងរកជួបនេះ គឺមិនបានសម្រេចដូចបំណងនោះទេ។

ការថ្លែងរបស់សម្តេចពិជ័យសេនា ទៀ បាញ់ បានធ្វើឡើងនៅក្នុងពិធីសម្ពោធដាក់ឲ្យប្រើប្រាស់ផ្លូវមួយខ្សែ នៅសង្កាត់ស្ទឹងវែង ក្រុងខេមរភូមិន្ទ ខេត្តកោះកុង កាលពីថ្ងៃទី៥ ខែមេសា ឆ្នាំ២០១៨។

សម្តេចពិជ័យសេនា ទៀ បាញ់ បានថ្លែងយ៉ាងដូច្នេះថា៖ "នេះគឺជាការរួមចំណែកដ៏សំខាន់ណាស់ក្នុងការជួយដល់ទុក្ខធុរៈរបស់មន្ត្រីរាជការ និងប្រជាពលរដ្ឋ រស់នៅទីនេះ (កោះកុង)...ខ្ញុំគ្រាន់តែលើកទេ ព្រោះថ្ងៃនេះ ក៏អត់បានជួបគាត់ (ឧកញ៉ា លី យ៉ុងផាត់ ) ដែរ សូម្បីតំណាងក្រុមហ៊ុនក៏អត់បានជួបដែរ"។

សូមជម្រាបថា ក្រុមហ៊ុន LYP បានលក់អគ្គិសនីទៅឲ្យប្រជាពលរដ្ឋនៅខេត្តកោះកុង ក្នុងមួយគីឡូ តម្លៃ ៦០០រៀល និងទឹកតម្លៃជាង១៥០០រៀល ក្នុងមួយម៉ែត្រគូប៕

អត្ថបទ៖ សោភា