JM និយាយរឿង Man City លើកពាន EPL ពេលប៉ះ Man Utd យប់នេះ

2018-04-07 02:18:33
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក Jose Mourinho អ្នកចាត់ការក្លឹបបិសាចក្រហម បាននិយាយមុនការប្រកួតនៅចុងសប្ដាហ៍នេះថា លោកមិនខ្វល់ពីរឿង Manchester City លើកពានរង្វាន់ English Premier League នោះទេ ស្របពេលដែលក្លឹប Manchester United នឹងត្រូវធ្វើដំណើរទៅសួរសុខទុក្ខ ក្រុមម្ចាស់ផ្ទះ នៅកីឡដ្ឋាន Etihad ។

Jose Mourinho និង Pep Guardiola

លោក Mourinho បានពន្យល់ថា លោកក៏ធ្លាប់ដឹកនាំ Chelsea ឲ្យឈ្នះ Man Utd នៅទឹកដី Stamford Bridge ដើម្បីលើកពាន EPL នេះ កាលពីឆ្នាំ២០០៦ ដែរ។ គ្រូបង្វឹកសញ្ជាតិព័រទុយហ្គាល់រូបនេះថា លោកក៏មិនបានខ្វល់ពីរឿង Man City អបអរបញ្ឈឺគាត់នោះដែរ។

Man Utd ប៉ះ Man City កាលជើងទី១

សូមបញ្ជាក់ថា Man City ដែលដឹកនាំដោយលោក Pep Guardiola ត្រូវការឈ្នះ Man Utd ក្នុងការប្រកួតដែលចាប់ផ្ដើមវេលាម៉ោង១១:៣០នាទី យប់ថ្ងៃសៅរ៍នេះជាចាំបាច់ ដើម្បីលើកពានរង្វាន់លីគកំពូលអង់គ្លេស នៅក្នុងសប្ដាហ៍ទី៣៣។ បច្ចុប្បន្ន Man City មាន ៨៤ ពិន្ទុ ខណៈ Man Utd ឈរលេខ២ មានត្រឹមតែ ៦៨ពិន្ទុប៉ុណ្ណោះ។ City ត្រូវការ ១២ពិន្ទុទៀត ក្នុង៧ប្រកួតដែលនៅសល់ ដើម្បីបំបែកកំណត់ត្រារបស់ Chelsea កាលពីឆ្នាំ២០០៥ ដែលមាន ៩៥ពិន្ទុ៕

ប្រភព៖ ESPN FC ប្រែសម្រួល៖ លាភ.