រកឃើញម្ចាស់ជយលាភី Cambodian idol រដូវកាលទី៣ ហើយ!

2018-04-08 17:16:58
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រោយឆ្លងកាត់ការប្រឡងជាច្រើនដំណាក់កាល នៅទីបំផុត ម្ចាស់ជយលាភីនៃកម្មវិធីប្រឡងចម្រៀង Cambodian Idol រដូវកាលទី៣ បានរកឃើញហើយ គឺបានទៅលើបេក្ខជន គ្រី ថៃពៅ។

ការប្រកួតផ្ដាច់ព្រ័ត្រនាយប់ថ្ងៃទី៨ ខែមេសានេះ ចែកចេញជា២វគ្គ គឺវគ្គទី១ ជាការប្រកួតប្រជែងរវាងបេក្ខជនទាំង ៤ រូបចុងក្រោយ គឺមានសៀក ញញឹម គ្រី ថៃពៅ កញ្ញាឈាង សុវណ្ណាវី និងកញ្ញាចែម ស្រីល័ក្ខ។ ក្រោយឆ្លងកាត់ការបោះឆ្នោតនាវគ្គទី១ គឺសៀក ញញឹម និងគ្រី ថៃពៅ បានទទួលសំឡេងឆ្នោតគាំទ្រច្រើនជាងគេ អាចបន្តទៅវគ្គទី២ ដើម្បីរកអ្នកឈ្នះ។ នៅក្នុងការបោះឆ្នោតដំណាក់កាលទី២ គ្រី ថៃពៅ បានទទួលគាំទ្រច្រើនជាង សៀក ញញឹម ក្លាយជាម្ចាស់ពាន Cambodian Idol រដូវកាលទី៣។

បេក្ខជន គ្រី ថៃពៅ (រូបភាពទំព័រហ្វេសប៊ុក Cambodian Idol)

សូមបញ្ជាក់ថា នៅក្នុងវគ្គទី១ នារាត្រីផ្ដាច់ព្រ័ត្រនេះ គ្រី ថៃពៅ បានច្រៀងបទ "មានសង្សារដូចអត់សង្សារ" និងច្រៀង២បទទៀត នៅវគ្គចុងក្រោយ គឺបទ "ដួងខែរនោច" និងបទ "ត្រូវម៉ក់"។

ម្ចាស់ពាន Cambodian Idol រដូវកាលទី៣ គ្រី ថៃពៅ នឹងក្លាយជាតារាចម្រៀងអាជីពប្រចាំផលិតកម្មរស្មីហង្សមាស និងទទួលបានប្រាក់រង្វាន់ ១៥០លានរៀល។

សូមរំលឹកថា ២រដូវកាលដំបូងនៃកម្មវិធី Cambodian Idol គឺបានទៅលើលោក នី រតនា (រដូវកាលទី១) និងកញ្ញា ឈិន ម៉ានិច្ច (រដូវកាលទី២)៕

អត្ថបទ៖ សុខ សុវត្ថិ