Chelsea ធ្វើឲ្យឱកាសលេង Champions League ឆ្នាំក្រោយកាន់តែឆ្ងាយក្រោយស្មើ West Ham

2018-04-09 01:43:26
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្លឹបតោខៀវ Chelsea បានប្រកួតស្មើជាមួយក្លឹប West Ham ដោយលទ្ធផល ១-១ ក្នុងសប្ដាហ៍ទី៣២ ក្របខ័ណ្ឌ English Premier League កាលពីយប់មិញ។ លទ្ធផលនេះ ធ្វើឲ្យក្រុមការពារតំណែងជើងឯករដូវកាលមុន តាមពីក្រោយក្រុម liverpool ដែលឈរលេខ៣ និង Tottenham Hotspur ដែលនៅលេខ៤ ចំនួន ១០ពិន្ទុ។

Chelsea Vs West Ham កាលពីយប់មិញ

Chelsea រកបានដោយខ្សែការពារ Azpilicueta នៅនាទី៣៦ ប៉ុន្តែក្រុមភ្ញៀវបានប្ដូរខ្សែប្រយុទ្ធ Chicharito ចូលក្នុងនាទី៧០ ហើយកីឡាករនេះបានរកគ្រាប់តាមស្មើឲ្យ West Ham នៅនាទី៧៣។

លទ្ធផលខាងលើ មានន័យថា Chelsea អាចបាត់បង់ឱកាសក្នុងការចូលរួមក្នុងការប្រកួតដណ្ដើមពានរង្វាន់ UEFA Champions League រដូវកាលក្រោយ និងជាការអវត្តមានក្នុងព្រឹត្តិការណ៍នេះ ជាលើកទី២ ក្នុងរយៈពេល ៣ឆ្នាំ។ បច្ចុប្បន្ន Chelsea មាន ៥៧ ពិន្ទុ ខណៈ EPL នៅសល់ ៦ប្រកួតទៀត។

Chicharito អបអរក្រោយស៊ុតបញ្ចូលទីលើ Chelsea

មកទល់ពេលនេះ ឱកាសឈ្នះពានរបស់ Chelsea គឺនៅសល់តែពានរង្វាន់ FA Cup ប៉ុណ្ណោះ។ Chelsea នឹងត្រូវស្វាគមន៍ក្រុម Southampton នៅវគ្គពាក់កណ្ដាលផ្តាច់ព្រ័ត្រ នាថ្ងៃទី២២ ខែមេសា ឆ្នាំ២០១៨ខាងមុខនេះ៕