ផលិតកររឿង "មុនដំបូងខ្មែរក្រហមសម្លាប់ប៉ារបស់ខ្ញុំ" ឈ្នះពានមួយពីមហោស្រពភាពយន្តអន្តរជាតិ
- 2018-04-09 04:58:17
- ចំនួនមតិ 0 | ចំនួនចែករំលែក 0
ផលិតកររឿង "មុនដំបូងខ្មែរក្រហមសម្លាប់ប៉ារបស់ខ្ញុំ" ឈ្នះពានមួយពីមហោស្រពភាពយន្តអន្តរជាតិ
ចន្លោះមិនឃើញ
លោក ប៉ាន់ រិទ្ធី អ្នកដឹកនាំនិងនិពន្ធភាពយន្តឯកសាររបស់កម្ពុជា នឹងឡើងទទួលពានរង្វាន់ "សន្តិភាព" មួយនៅក្នុងមហោស្រពភាពយន្តអន្តរជាតិ Fajr លើកទី៣៦។
អ្នករៀបចំកម្មវិធីមហោស្រព Fajr បានប្រាប់នៅក្នុងសន្និសីទសារព័ត៌មានកាលពីម្សិលមិញថា៖ "នៅក្នុងភាពយន្តរបស់គាត់ គាត់បានសង្កត់ធ្ងន់ទៅលើតម្រូវការសន្តិភាពនៅលើពិភពលោក"។ លោក ប៉ាន់ រិទ្ធី នឹងចូលរួមមហោស្រព Fajr នៅក្នុងរដ្ឋធានី Tehran ប្រទេសអ៊ីរ៉ង់ ចាប់ពីថ្ងៃទី១៩ ដល់ ២៧ ខែមេសា ឆ្នាំ២០១៨ខាងមុខ ដើម្បីទទួលពានរង្វាន់។
សូមបញ្ជាក់ថា ក្នុងរយៈពេល៣០ឆ្នាំមកនេះ លោក ប៉ាន់ រិទ្ធី បានដឹកនាំភាពយន្តមិនតិចជាង ១៥រឿងឡើយ ដូចជា រឿង "ជំរំសាយធូ (១៩៨៩)" "កម្ពុជា៖ ចន្លោះសង្គ្រាម និងសន្តិភាព (១៩៩១)" "អ្នកស្រែ (១៩៩៥)" "បុប្ផាណា សោកនាដកម្មមួយ (១៩៩៦)" និង “រាត្រីមួយក្រោយសង្គ្រាម (១៩៩៨)” ជាដើម។ ភាគច្រើននៃភាពយន្តរបស់លោកផ្ដោតសំខាន់លើរបបប្រល័យពូជសាសន៍ខ្មែរក្រហម ក្នុងប្រទេសកម្ពុជា នៅអំឡុងទសវត្ស ១៩៧០។
លោក ប៉ាន់ រិទ្ធី ក៏ធ្លាប់បានចូលរួមផលិតរឿង "មុនដំបូងខ្មែរក្រហមសម្លាប់ប៉ារបស់ខ្ញុំ" ជាមួយនឹងតារាភាពយន្តអន្តរជាតិអ្នកស្រី Angelina Jolie ផងដែរ៕