រឿង៤យ៉ាងរបស់ ធឿន ធារ៉ា ដែលអ្នកគាំទ្រមួយចំនួនមិនបានដឹង

2018-04-10 02:28:19
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ជើងខ្លាំង ធឿន ធារ៉ា កំពុងល្បីឈ្មោះបោះសំឡេងមិនថា នៅសង្វៀនខ្មែរ និងសង្វៀនថៃនោះទេ។ ប៉ុន្តែអ្នកគាំទ្រប្រហែលមិនបានដឹងពីចំណុច ៤យ៉ាងរបស់គេឡើយ។

ធឿន ធារ៉ា ឈ្នះនៅសង្វៀនប៉ុស្តិ៍បាយ័ននាពេលកន្លងទៅ

១- មិនចេះអានអក្សរខ្មែរ៖ ជើងខ្លាំងល្អគ្រប់ក្បាច់រូបនេះត្រូវបានគេដឹងថា មិនបានសិក្សាច្រើនឡើយ។ ជាមួយគ្នានោះ អ្នកប្រដាល់រូបនេះមិនអាចអានអក្សរខ្មែរបានទេ។

២- ជាកីឡាករខ្មែរទី១ ដែលប្រឡូកក្នុងសង្វៀន Max Muay Thai ច្រើនជាងគេ៖ បើគិតមកដល់ពេលនេះ អ្នកប្រដាល់ដែលមានដើមកំណើតមកពីខេត្តព្រៃវែង បានចូលខ្លួនប្រឡូកក្នុងសង្វៀន Max Muay Thai បានចំនួន ១០ លើកហើយ ក្នុងនោះចាញ់តែម្ដងគត់ ដោយឈ្នះ ៨ និងស្មើ១។ បើគិតទៅលើស្ថិតិនេះ មិនទាន់មានអ្នកប្រដាល់កម្ពុជារូបណាបានទៅវៃសង្វៀននេះច្រើនដូចគេឡើយ។

៣- ល្បីសឹងពេញប្រទេសតែមិនទាន់មានខ្សែក្រវាត់ក្នុងដៃ៖ បើគិតមកដល់បច្ចុប្បន្ន ធារ៉ា មិនទាន់មានខ្សែក្រវាត់ក្នុងដៃឡើយ។ ចំណុចនេះអាចមកពីរូបគេមិនទាន់ទទួលបានឱកាស ចូលរួមប្រកួតដណ្ដើមខ្សែក្រវាត់ នៅតាមស្ថានីយនានាក្នុងស្រុកក៏ដូចជានៅថៃជាដើម។

៤- Idol របស់ ធឿន ធារ៉ា ៖ ជើងខ្លាំងខិតជិតវ័យ ២០ឆ្នាំរូបនេះ បានចូលចិត្តក្បាច់វៃរបស់ ម៉ឺន សុភា និងបានចាត់ទុកកីឡាករកម្ពុជារូបនេះជានិមិត្តរូប (Idol) ។ ចំណុចដែលធ្វើឲ្យ ធារ៉ា ចូលចិត្តគឺធ្ងន់គ្រប់ក្បាច់មិនថា កណ្ដាប់ដៃ និងទាត់ឡើយ៕

អត្ថបទ៖ ស្រី សុវណ្ណដារ៉ា