ពន្ធដារខេត្តព្រះសីហនុ បង្ហាញតួលេខថវិកា ដែលប្រមូលបាន នៅដើមឆ្នាំ២០១៨
- 2018-04-11 08:59:52
- ចំនួនមតិ 0 | ចំនួនចែករំលែក 0
ពន្ធដារខេត្តព្រះសីហនុ បង្ហាញតួលេខថវិកា ដែលប្រមូលបាន នៅដើមឆ្នាំ២០១៨
ចន្លោះមិនឃើញ
ក្នុងរយ:ពេល ៣ខែ ដើមឆ្នាំ២០១៨ សាខាពន្ធដារខេត្តព្រះសីហនុ ប្រមូលថវិកា បានចំនួន ២ម៉ឺនលានរៀល (ជាង៥លានដុល្លារអាមេរិក)។ នេះបើយោងតាមលោក សន ស៊ីផល ប្រធានសាខាពន្ធដារខេត្តព្រះសីហនុ នៅថ្ងៃទី១១ ខែមេសា ឆ្នាំ២០១៨ តាមរយៈទីភ្នាក់ងារសារព័ត៌មានកម្ពុជា។
លោក សន ស៊ីផល បញ្ជាក់បន្ថែមថា ក្នុងថវិកាទាំងនោះមានចំណូលថ្នាក់ជាតិចំនួន ៣៧% និងចំណូលថ្នាក់ក្រោមជាតិ ៤៧%។ លោកបន្តថា ការប្រមូលចំណូលពន្ធមានការកើនឡើងជារៀងរាល់ឆ្នាំ ដោយសារការយកចិត្តទុកដាក់របស់មន្ត្រីពន្ធដារ ក្នុងការជួយសម្រួលបែបបទជូនអតិថិជនដែលមកបង់ពន្ធ ដែលជាហេតុធ្វើឱ្យប្រជាពលរដ្ឋ ក៏ដូចជាអាជីវករ ពាណិជ្ជករ មានទំនុកចិត្តចូលមកបំពេញកាតព្វកិច្ចបង់ពន្ធបានទាន់ពេលវេលា។ ម្យ៉ាងទៀត សាខាពន្ធដារបានធ្វើការផ្សព្វផ្សាយដល់ប្រជាពលរដ្ឋ និងអាជីវករអំពីកាតព្វកិច្ចបង់ពន្ធជាបន្តបន្ទាប់។